四眼仔腸粉

Open Now

Now Closed

今朝七點幾肚餓，搵到呢間四眼仔腸粉，面向白屋菜巿場右邊直行就會見到。買咗$10 腸粉、$6燒賣、$4魚蛋。腸粉$10起4條，其他$4起一蚊粒。哥哥仔態度有禮親切，街坊都應該關係不錯。整體購買體驗非常良好。食物方面，腸粉夠滑，燒賣有魚香味，魚蛋彈口，醬汁同咖喱魚蛋的配合味道剛剛好，唔會太鹹，唔會太辣。下次一定會再幫襯。星期日朝早都不斷有人幫襯，但個仔手腳快都唔需要等咁耐。下次會試埋粉果同牛肉球，再追加評價比大家。