Video
Read full review
2021-11-27
525 views
我平時冇寫食評嘅習慣，但今次真係想表達吓。今次係第二次來食，見上次食過食物質素唔錯，所以再來食。帶位員話最遲8:30入場可以食到10:00。我哋當時8:30入場，正常90分鐘時間係食到10:00的。但何謂食到10:00？ 食到9:20，職員開始不停來收枱面嘅嘢，又叫我哋如果要配菜就快d出去夾，於是我就出去夾配菜，但出面嘅配菜已經唔太多，因為都冇refill，所以我只係夾咗少少就返埋位。點知返到埋位一陣，職員又想來執枱，但由於真係冇嘢收，所以果位職員直頭企喺隔離望住等，我望住佢，連隔離枱都望住佢，佢意識到先行開。到9:35左右，又有職員行來，今次係問隔離枱同我哋仲要唔要雪糕，咁即係收啦，所以我行出去拎咗先，出到去其實已經有另一個職員清緊，所以我只拎到雪條。因為枱面仲有肉未整熟，我見佢哋好似趕住收工咁，就拿拿聲整埋佢來食，職員見我食完即刻過來收嘢。收晒嘢之後有好幾個員工仲好開心咁一路傾計，一路慢慢抹枱。我見佢哋咁趕，我哋就即刻走。走果陣係9:50都未夠。俾錢果陣，我屋企人忍唔住講咗一句”無下次”，係經理幫我哋收錢的，經理問我哋點解，我哋講個原因俾佢知，個經理都好好，有同我哋道歉，同埋佢即時
帶位員話最遲8:30入場可以食到10:00。我哋當時8:30入場，正常90分鐘時間係食到10:00的。但何謂食到10:00？ 食到9:20，職員開始不停來收枱面嘅嘢，又叫我哋如果要配菜就快d出去夾，於是我就出去夾配菜，但出面嘅配菜已經唔太多，因為都冇refill，所以我只係夾咗少少就返埋位。點知返到埋位一陣，職員又想來執枱，但由於真係冇嘢收，所以果位職員直頭企喺隔離望住等，我望住佢，連隔離枱都望住佢，佢意識到先行開。到9:35左右，又有職員行來，今次係問隔離枱同我哋仲要唔要雪糕，咁即係收啦，所以我行出去拎咗先，出到去其實已經有另一個職員清緊，所以我只拎到雪條。
因為枱面仲有肉未整熟，我見佢哋好似趕住收工咁，就拿拿聲整埋佢來食，職員見我食完即刻過來收嘢。收晒嘢之後有好幾個員工仲好開心咁一路傾計，一路慢慢抹枱。我見佢哋咁趕，我哋就即刻走。走果陣係9:50都未夠。
俾錢果陣，我屋企人忍唔住講咗一句”無下次”，係經理幫我哋收錢的，經理問我哋點解，我哋講個原因俾佢知，個經理都好好，有同我哋道歉，同埋佢即時同番d員工講。
我哋走果陣咁啱有另一枱客一齊走，我聽到佢地都話d員工趕客，好似趕收工咁，我聽到佢哋話其實佢哋都未食完，同埋都唔係第一次咁樣趕客。
總結：其實食物質素真係好好，但對我來講食物幾好食都好，服務差係唔會有下次幫襯的。
Post