百樂潮州酒樓 (Closed)

先説食物，點心唔算好多款，不過落order後點心上得幾快，而且夠熱。大部份點心都算中上價，茶位$12一位。蝦餃: 皮薄多蝦，夠爽口燒賣: 有麻雀般大，入味，豬肉有咬口而鬆軟水晶包: 有奶黃同芋頭味，個人認為奶黃較香，芋頭反而無乜芋味腸粉: 普通貨色，不算出色桂花糕: 我無食，個阿媽話不錯，唔會一夾即散$12一碟既酸菜，返而都幾好食，但一黎就黎2碟，而$12一碟其實量好少，真係相叫佢收返食物講完，講環境，座位唔算多，估計只能夠容納80人內，個環境幾靚，算坐得闊落。服務方面，當日其實好多人嘈，因為明明打去問話無得hold 台，但當日有張大檯俾個女部長hold左半個鐘吉檯，仲堅稱有人座，但明明無人坐，最後在群眾壓力下，部長唯有讓返張檯出黎，但就不斷俾説話俾茶客聽，又話啲茶客鬧帶位姐姐，而hold檯班茶客最後才施施然到場，女部長即刻上前笑曬又派咭片又拎自己個手提出黎示意打過俾嗰班茶客，簡真2個樣😤其實都無人鬧帶位姐姐，而帶位姐姐全程面帶笑容講唔好意思，值得一讚。呢間酒樓食物其實唔錯，但女部長呢個態度如果無改善，咁都真係幾趕客！