季季紅風味酒家 (Closed)

尋晚一家人嚟呢度食飯。坐低沖洗食具時，發現有部份杯同碗都有食物渣殘留喺度，洗都洗唔甩。叫侍應換過嚟時，個侍應手震震，一下敲爆咗隻玻璃杯，仲割傷埋我老婆 。來到季季紅，梗係食乳豬。隻乳豬有芋頭飯底，係唔錯的，但略嫌切得太大舊，每一塊乳豬大約有食指同中指拍埋咁闊。其他小菜冇乜特別，都係普通酒樓貨色。我地前後叫咗兩支啤酒飲當埋單果陣，發現收咗我地三支啤酒錢。我地當然叫部長過嚟理論，個女部長死口話我地有叫到三支。我地叫佢問清楚伙記。雖然最後有取消番一支啤酒，但個女部長仍然好唔憤氣咁碎碎唸。我地叫一圍菜，未加一都千五六蚊。一支啤酒先卅蚊，如果我地真係有飲，都唔會貪心為慳果幾十蚊同人嘈。作為一間知名食肆，服務態度唔應該係咁。