Video
Read full review
2023-04-01
329 views
之前見到openrice有comment話呢間餐廳服務差，我都唔太相信，以為只係個別觀感問題，點知原來真有其事。我地6位本身book左20:00，因為驚冇位所以提早左1個月book位，諗住可以有好位置坐。去到當日，我地早左13分鐘到現場，入到去得番3個客喺右邊中間位，兩個侍應執緊位，女侍應用少許不耐煩語氣話未準備好，唔俾我地逗留喺入面或門口玄關位，要喺出面等。呢樣其實就冇乜大問題，但去到20:00就精彩喇。入到去，見到已經有5個新客(3+2)坐低喺左邊，右邊有2個舊客仲喺度，然後男侍應居然話“未有位，要再等一陣“，係“未有位“，係“未有位“，係“未有位“呀！我地提早咁多book位，又提早到達，換來嘅竟然係“未有位“？我地早到嘅就冇位，遲d到嘅反而有位坐？what?跟住男侍應話可安排我地坐2個舊客兩旁，到佢地走左再安排調番位。呢樣我地梗係接受不了啦，食omakase要“分開坐“，要“分開坐“，係“分開坐“呀！what? 咁同茶餐廳搭枱有咩分別？呢個時間火已經開始嚟，但更嚴重嘅係，男侍應解釋話因為嗰2個舊客係老闆朋友，老闆招待緊，所以唔可以得失。因為係老闆識嘅所以佢地超時都冇問題，可以坐幾
我地6位本身book左20:00，因為驚冇位所以提早左1個月book位，諗住可以有好位置坐。去到當日，我地早左13分鐘到現場，入到去得番3個客喺右邊中間位，兩個侍應執緊位，女侍應用少許不耐煩語氣話未準備好，唔俾我地逗留喺入面或門口玄關位，要喺出面等。
呢樣其實就冇乜大問題，但去到20:00就精彩喇。入到去，見到已經有5個新客(3+2)坐低喺左邊，右邊有2個舊客仲喺度，然後男侍應居然話“未有位，要再等一陣“，係“未有位“，係“未有位“，係“未有位“呀！我地提早咁多book位，又提早到達，換來嘅竟然係“未有位“？我地早到嘅就冇位，遲d到嘅反而有位坐？what?
跟住男侍應話可安排我地坐2個舊客兩旁，到佢地走左再安排調番位。呢樣我地梗係接受不了啦，食omakase要“分開坐“，要“分開坐“，係“分開坐“呀！what? 咁同茶餐廳搭枱有咩分別？
呢個時間火已經開始嚟，但更嚴重嘅係，男侍應解釋話因為嗰2個舊客係老闆朋友，老闆招待緊，所以唔可以得失。因為係老闆識嘅所以佢地超時都冇問題，可以坐幾耐都得？老闆朋友就至高無上，我地d平民就可以欺負？what?
我再質問佢一會兒，佢先肯去同嗰2個舊客交涉，然後安排佢地坐側門出面bar枱。你話係咪只係個別侍應問題？No! 因為呢個時候老闆喺側門入嚟，只係幫手拎為佢“高級“朋友準備嘅甜品，但完全冇諗住過嚟同我地say sorry，而兩個侍應該都一樣歉意欠奉。咁嘅服務，究竟我係去緊食omakase定茶餐廳呢？
順帶一提，唔睇唔知，原來呢間餐廳源自大陸？上面有8間分店，而銅鑼灣呢間係第一海外分店。有冇關係我就唔知，只係陳述出來for your information。
講左咁多，費時俾人話我只講服務態度，都講下師傅同食物。師傅手勢同態度ok，有介紹每道菜式，但好少同客人交談，且每次都係一次性準備全餐廳食物，未能依據客人進度調節 (老闆貴客我都唔知喇！)。食物方面，尚算新鮮，鵝肝吞拿魚壽司同磯煮鮑魚幾好食，但其他全部都普普通通。
整體而言，498嘅set係合理但唔太有記憶點，連埋服務態度嚟睇，不值，完。
Post
