Video
Read full review
2022-10-01
2474 views
叫咗肉醬意粉外賣自取，攞嘅時候外賣盒上貼果張單都係寫肉醬意粉，攞到返屋企打開有驚喜，竟然變咗焗西蘭花。嬲到跳起。又要我攞返落去換。去到遞比個女職員，問點解我叫肉醬意粉會變咗焗西蘭花，佢聽完，完全好似無事咁，攞返盒嘢去裡面，我望住佢哋成班職員，應該已發現係同另一張單調轉咗食物，睇佢哋肢體語言，好似知道咗之後，謎底已經解決，問題都已經解決咁。然後個女職員即時攞返盒意粉出嚟比我，心諗，即係凍晒啦。遞比我時仲要非常若無其事咁。。。心裡真係講粗口。一句道歉都無，好似無事咁。成間舖又唔見有一個類似店長嘅物體，其他無份嘅職員個個望住件事好似睇戲咁。啲嘢問心係好食，但你哋咁多分店，究竟有無員工培訓㗎？班友真係唔覺佢哋自己做緊服務業㗎喎？如果有，咁你換晒元朗果友佢啦！！
Post