黑麥 (Closed)

是咁的，本想同人興祝生日。去到，因為要等人，先食佢D包，見D包可能擺左一日，涼涼地乾乾地，諗住，叫佢熱一熱，叫左幾次，最後黑面神侍應 ( 去過你就知 )一副不耐煩既樣子，問我咩事，OK，忍。之後，叫野食，個沙律，真係唔好食。呢D係好個人口味，大家有種可以試下。湯，當日係飲南瓜湯，不過，真係太咸，不過，岩岩放工，照飲。之後叫左個三文魚加煮豆，呢樣真係要話，條魚咸到好似咸魚咁，不過，因為黑面神已經黑曬面，廢事叫佢轉，但係作為一個正常人，真係食唔落。重叫左一個蝦天使面，一隻蝦有味，一隻無味，同樣又係偏咸。重有因為有一個B朋友肚唔舒服，咁A朋友比個湯佢飲算，點知黑神，一黎到，就拎走個湯，比番A朋友，成台O咀，同左黑面神解釋，不過因為佢話公司規定，每人要比一百蚊叫小小野食，明白既，點知叫個湯，佢加左奶落去，心裡梗係有幾個字出現。成餐飯，7個人900蚊到，呢個價，真係有好多選擇，唔洗食佢。一定唔會再去呢間。不過，百貨應百客，大家可以去食，感受下呢種服務。