阿木台灣麵 (豉油街)

Open Now

Now Closed

一向支持開依間黃店，今日中午難得可以早少少去食飯，我突登去早啲攞位。攞咗飛兩位等兩張枱，大概五分鐘有枱。我同事行緊過嚟，我話兩分鐘到，佢話要齊人先入得，話對後面排隊嘅人唔公平。我想問，後面等四人枱，你有張二人枱唔比我坐，後面都係要等架。我平時都係一個人食，一個人坐一張二人枱，對面個位次次都唔會有人坐。我話一位同兩位都係一張二人枱，咁我話我改一位係咪可以即刻入坐，佢問我係咪真係一位，之後唔可以加位。我嚟先，攞飛先，大家lunch time 都趕時間食飯，做生意嘅剩係識計點樣可以賺到最盡。其實真係覺得間嘢唔應該再支持。佢似住自己多人去食，服務態度非常之差。唔怪之得咁多人返大陸消費。祝你好運。