豚勝

Open Now

Now Closed

去完西九文化區野餐，夜晚去圓方搵食！一直都覺得圓方好似冇乜嘢好食，可能之前住附近食到厭咗…朋友睇完OpenRice 提議去一間叫「豚勝」嘅日本吉列豚肉店，睇相好似都唔錯即管試下！因為湊住兩個BB，侍應俾咗出面嘅位置我地。侍應都好貼心，送咗個玩具仔比BB氹佢哋開心。我同BB各點一個餐：🟠吉列珍寶廣島蠔 配 芝士豚肉餅定食 配 御飯·豚肉味噌湯·漬物🟠兒童餐A（吉列魚柳、豚肉腸、薯條、湯烏冬及果汁）我點個餐炸物有兩隻蠔加芝士豚肉餅一個切半，首先講講呢度嘅炸物，炸到鬆脆可口，我麻麻地食炸野都覺得幾好吃！餐廳會配埋三種sauces俾顧客，包括豬扒醬、紫蘇醬、柚子醬。呢度嘅椰菜絲係任食，落紫蘇醬&柚子醬好好味～（其實食到一半都已經飽飽地！）另外，我因為BB只係得歲半，其實兒童餐嘅份量對佢嚟講真係非常足夠。基本上俾個烏冬佢食已經好夠。最後佢除左豚肉腸食剩之外，其他都清晒，我諗都應該幾啱佢口味！🤭最後提提大家：可能太近溜冰場嘅關係，溫度偏低，建議大家去食飯要帶多件外套。