紅茶冰室

Open Now

Now Closed

平時叫開戶戶送食呢間，真心覺得食物好食，今日落店坐低食，真係不得之了，啲職員高高在上。話說我一個人去，樓上就叫我落樓下坐，下面大把位，落到去想請個職員比我坐出少少等我收到電話訊號（因為地牢位置坐入左收唔到），佢就專登安排我坐最入，問佢出面個位無人比我坐得唔得，佢發哂惡“唔坐入面就上返去等”，O哂嘴，有位都唔比人坐，算啦，唔同佢計較就上返去睇下有無得坐上面，點知下面個職員用對講機同上面嗰位話我玩野（仲要比我聽到哂），上面嘅職員都好惡咁閙我叫我企出門口等，心諗發生咩事，我想坐出少少啫，點玩野呀？又唔係殺你全家😔唉！唔食啦，買個包就算啦，問阿姐有無椰絲包，估唔到連賣包嘅都係奇人，“依家幾點呀，喺哂度自己睇啦”無咪無囉，唔使咁講野呀。最後我咩都無幫襯，亦都以後唔會再幫襯，連叫外賣都唔會。我唔會要求佢茶記有五星級服務，但都唔係一黎就出口傷人架佢個老闆有啲咁嘅員工真係啲野再好食都無用。