Video
Read full review
2024-05-01
41 views
下午茶時間堂食人不多，諗住就落大雨買外賣返屋企食就算，周圍都係湯湯水水麵呀米線呀之類，就試下呢間，貪佢唔使排隊。入到去客氣地問下收銀姨姨有無下午茶呀，收銀答有呀係下午果枱枱面呀，ok啦睇下有咩下午茶好食，睇完都係無咩啱食，咁見到外面有個外賣自取就話想要2個出面果個外賣餐牌要楊州炒飯同粟米魚柳飯，收銀姨姨就寫完仲等緊我講落去（開始有d不耐煩），咁我sense到即問有野飲？佢話有湯同汽水囉，其他野飲要加錢，咁我問有無雪碧？收銀好似覺得我咁唔通氣咁多野問咁答汽水即係可樂呀，咁我話好呀可樂呀唔該，收銀即語氣開始差地回我嗱！係杯裝嫁唔係罐裝嫁……咁我咪答哦，好呀～比錢時問下有係Alipay 呀，姨姨又悔氣地話無呀，咁我再問有無八達通，佢話有督督佢部機，（即係叫我拍部機上面），我心諗我終於答啱咗一樣啦！總結，難怪大家都話要北上消費，留港消費支持經濟都無咩用，好似唔需要我地幫襯咁，態度同服務之差到咁，仲有幾多港人想係呢度消費呀咁樣搞
比錢時問下有係Alipay 呀，姨姨又悔氣地話無呀，咁我再問有無八達通，佢話有督督佢部機，（即係叫我拍部機上面），我心諗我終於答啱咗一樣啦！
總結，難怪大家都話要北上消費，留港消費支持經濟都無咩用，好似唔需要我地幫襯咁，態度同服務之差到咁，仲有幾多港人想係呢度消費呀咁樣搞
Post
