Video
Read full review
2020-11-03
407 views
睇食評話個片皮鴨得所以就响過去嗰個星期日book咗20:00同朋友去食片皮鴨餐上菜速度超快呀，一落完單唔夠5分鐘已經上黑醋骨、鮮魚羹同餅皮(全部係熱嘅)，張枱已經細，3樣餸再加埋啲醬料、茶同餐具已經無位…我哋一見上嗰籠餅皮已經即時同個女侍應講我哋連第一個餸同個羹都未開始食，驚個鴨嚟未食都已經凍晒，叫佢暫停唔好上菜住，個阿姐仲應好，點知轉頭就攞埋碟鴨同一口酥嚟，仲要隻手整跌咗件香醋骨跌落枱面…我哋同佢講話咗唔好上鴨住，佢話一落單就已經切緊隻鴨，hold唔到…於是我哋叫個經理過嚟同佢講，佢先至真係幫我哋去hold住之後嘅單唔上住，咁當然到食鴨嘅時候必定係凍晒啦，所以已經係唔好食同羶津白個所謂湯食到嘅係糖水，係糖水味，唔係濃湯！鴨肉炒飯啲鴨肉又少又碎到差啲搵唔到… 個桂花糕得糖味，無桂花味，仲有魚膠粉粒添個經理有誠意，送咗2個腰果露俾我哋，但我見個阿姐隻手指公插咗落去個腰果露度(雖然個阿姐有帶手套)，放低嗰陣係好香，但跟住就聞到燶味，個經理埋嚟同我哋講個糖水係送俾我哋，話好食叫我哋試吓。我朋友同佢講多謝，同時叫個經理聞吓，個經理話係會有陣燶味，要整燶先會香，真心第一次食燶味腰果露…我都有試一
上菜速度超快呀，一落完單唔夠5分鐘已經上黑醋骨、鮮魚羹同餅皮(全部係熱嘅)，張枱已經細，3樣餸再加埋啲醬料、茶同餐具已經無位…
我哋一見上嗰籠餅皮已經即時同個女侍應講我哋連第一個餸同個羹都未開始食，驚個鴨嚟未食都已經凍晒，叫佢暫停唔好上菜住，個阿姐仲應好，點知轉頭就攞埋碟鴨同一口酥嚟，仲要隻手整跌咗件香醋骨跌落枱面…我哋同佢講話咗唔好上鴨住，佢話一落單就已經切緊隻鴨，hold唔到…
於是我哋叫個經理過嚟同佢講，佢先至真係幫我哋去hold住之後嘅單唔上住，咁當然到食鴨嘅時候必定係凍晒啦，所以已經係唔好食同羶
津白個所謂湯食到嘅係糖水，係糖水味，唔係濃湯！
鴨肉炒飯啲鴨肉又少又碎到差啲搵唔到…
個桂花糕得糖味，無桂花味，仲有魚膠粉粒添
個經理有誠意，送咗2個腰果露俾我哋，但我見個阿姐隻手指公插咗落去個腰果露度(雖然個阿姐有帶手套)，放低嗰陣係好香，但跟住就聞到燶味，個經理埋嚟同我哋講個糖水係送俾我哋，話好食叫我哋試吓。我朋友同佢講多謝，同時叫個經理聞吓，個經理話係會有陣燶味，要整燶先會香，真心第一次食燶味腰果露…
我都有試一小啖，都係得甜同燶味，係無腰果味
上菜真係快到以為去咗街市熟食檔，唔講以為佢哋趕收工，但我哋未夠10點就已經可以埋單走…
都可以唔使再嚟食！
意大利黑醋肺
24 views
0 likes
0 comments
香菜鮮魚羹
14 views
0 likes
0 comments
烤北京填鴨
10 views
0 likes
0 comments
鴨肉炒飯
8 views
0 likes
0 comments
金腿濃湯津白
7 views
0 likes
0 comments
桂花糕
8 views
0 likes
0 comments
燶味腰囝露
5 views
0 likes
0 comments
Other Info. :
食食吓見隔離枱有位女士放咗隻狗仔出嚟，雖然响嗰枱範圍內無落地，但就算我鐘意狗，一般食肆唔可以帶寵物入內(導盲犬除外)我都知嘅，何況嗰隻明顯唔係導盲犬！而酒樓員工見有隻狗無入袋，個狗主係食完餐飯(接近1個鐘)，又直到我哋埋單走為止都無人埋去勸喻，如果附近有客人對動物敏感就唔知叫邊個負責呢
(The above review is the personal opinion of a user which does not represent OpenRice's point of view.)
Post
