OVO CAFE

Open Now

Now Closed

我唔打算評論食物質素，只可以話中規中矩，食gimmick。我主要係想講服務態度：我地一行10人預早打電話book左枱，去到餐廳搞左好耐話搵唔到我地booking，又要check 電話睇record，睇下我地有冇講大話，然後只係同我地講句唔好意思，同我地講起碼要再等20-30分鐘先安排到，想趕我地走。重點係餐廳仲有空位夠容納我地，而當處理緊我地booking問題嘅時候，隔離店員不停放walk in客入座。因為我地一行10人臨時好難再搵另一間餐廳，最後有位男店員安排左兩張分到好開嘅枱比我地，亦只好接受。用餐中途，有位女店員問我地兩張枱係咪一齊埋單，我地話係。埋左單，一行人離開，其中一位女店員追出馬路話我地其中一張枱未埋單，我地又要返鋪頭解釋，同佢講已經埋左單。話人未埋單前唔會問下同事先？唔會check下收銀機先？知道我地確實係埋左單，一句道歉都無一句講哂，想受氣就去食啦。食物味道正常，份量足夠，蘑菇湯當然不及西式餐廳，魚餅很普通，整體黎講cp值低，不值呢個價。