Video
Read full review
2024-07-07
1012 views
朋友上個月生日但一直未夾到時間食飯咁啱今晚得閒所以搵咗三間餐廳俾佢揀睇到啲食評同食物相都好似OK 所以佢就話去呢間試吓 我哋坐兩人枱 ，枱面擺咗一個裝筷子盒 ，兩隻碟同埋兩個杯 職員再擺咗個水壺 其實都已經冇乜位開頭就嚟咗個火炙壽司拼盤 五件壽司 擺喺一隻長碟 同埋海膽手卷一件 都係同一個size嘅碟呢兩隻碟已經擺滿晒成張枱 😅 跟住好快就嚟多一碟同樣size裝住兩件玉子壽司 朋友就即刻拎起件海膽手卷先有位擺 跟住朋友就笑住咁問職員 ： 你哋會唔會有啲細d嘅碟 ，因為你見到冇乜位啦 職員就答佢： 暫時未有無幾耐又嚟多碟松葉蟹三味壽司 都係同一個size嘅碟 我哋都O咗嘴 ，張枱有咁細 呢碟都唔知點擺，但仲叫咗其他嘢未嚟🤦🏻♀️另外一個職員行過嚟講都唔講就拎走嗰盒筷子同上面嘅嘢 ，擺咗個水壺喺隔籬嗰張吉枱然後擺返嗰樽豉油去我個frd張枱嘅角落頭位 ， 但豉油樽個底係好污糟都唔理照擺低跟住就兩隻明太子雞翼 都夾硬擺喺我個frd嗰邊個位 燒茄子嚟到嘅時候，當然冇位擺啦 個職員見我面前嗰碟蝦三味壽司仲有一件 好唔客氣咁同我講： 你夾起佢啦 🤷🏻♀️ 唔係茶餐廳架，係咪啲嘢一出就要立刻食晒先 ？
咁啱今晚得閒所以搵咗三間餐廳俾佢揀
睇到啲食評同食物相都好似OK 所以佢就話去呢間試吓
我哋坐兩人枱 ，枱面擺咗一個裝筷子盒 ，兩隻碟同埋兩個杯 職員再擺咗個水壺 其實都已經冇乜位
開頭就嚟咗個火炙壽司拼盤 五件壽司 擺喺一隻長碟 同埋海膽手卷一件 都係同一個size嘅碟
呢兩隻碟已經擺滿晒成張枱 😅
跟住好快就嚟多一碟同樣size裝住兩件玉子壽司
朋友就即刻拎起件海膽手卷先有位擺
跟住朋友就笑住咁問職員 ： 你哋會唔會有啲細d嘅碟 ，因為你見到冇乜位啦
職員就答佢： 暫時未有
無幾耐又嚟多碟松葉蟹三味壽司 都係同一個size嘅碟
我哋都O咗嘴 ，張枱有咁細 呢碟都唔知點擺，但仲叫咗其他嘢未嚟🤦🏻♀️
另外一個職員行過嚟講都唔講就拎走嗰盒筷子同上面嘅嘢 ，擺咗個水壺喺隔籬嗰張吉枱
然後擺返嗰樽豉油去我個frd張枱嘅角落頭位 ， 但豉油樽個底係好污糟都唔理照擺低
跟住就兩隻明太子雞翼 都夾硬擺喺我個frd嗰邊個位
燒茄子嚟到嘅時候，當然冇位擺啦
個職員見我面前嗰碟蝦三味壽司仲有一件 好唔客氣咁同我講： 你夾起佢啦 🤷🏻♀️
唔係茶餐廳架，係咪啲嘢一出就要立刻食晒先 ？
職員拎個串燒牛柳過嚟嘅時候，佢就諗住將嗰隻碟野就咁擺上去我哋嗰幾碟仲有壽司上
我朋友就即刻叫佢收起裝雞翼碟 （ 個碟得返啲裝飾嘅菜絲） 叫佢擺喺嗰個位 佢就好唔高興咁勁大力擺低嗰碟燒牛柳 🫣
食食吓嘅時候佢地將嗰張吉枱搭埋去人哋坐緊嗰張2人變四人枱 一開頭唔夠位所以個水壺擺咗喺隔籬張吉枱 ，距離遠咗 ，我地每次想斟水就要伸隻手過去拎
然後隔籬枱食完起身走 職員拎走埋兩個水壺 ，茶都唔使飲啦我地
本身諗住叫咗少少先因為張枱都唔大
但食食吓一肚氣 當然唔會再叫嘢食啦
食食吓仲聽到隔籬枱同個職員講佢地碟食物有隻嘢走出嚟 😅😅😅
落單用QR code ，茶都係自己斟 ，又要自己安排點擺嘢 ， 真係唔知10%服務費係點計？
比錢係攞個code出去收銀處
我比張單佢之後 ，見到佢個動作叫我拍卡 ，咁我咪拍卡囉
點似佢搞錯咗張單 ，然後話幫我void單再嚟過
部卡機係我面前出單 ，四一次佢都勁大力搣
都唔知係咪我諗多咗 但成程佢嘅態度好似係我問題咁 😨
返到屋企先醒起企喺收銀處嗰陣好似見到有寫AEON卡有九折
再睇返自己張單係冇呢個九折嘅
13件壽司 一個海膽手卷
兩隻雞翼 一串牛柳 再加一份茄子
咁就 $704 食完都唔知自己食咗啲咩 😅
唔好講到服務態度先 ，食物質素完全唔值得呢個價
真係食個放題都冇咁嬲
唔怪得間野成晚都係坐得1/3 的枱
汁燒牛柳
$48
6 views
0 likes
0 comments
Post
