Lucy Coffee N Food (Closed)

見到網上有人介紹，經過想試下，入到去見佢枱上有個蛋糕擺起枱面，我就問依款有無得叫，店主就話：其實呢，個蛋糕焗完仲要攤凍，雪一晚，如果即刻甩模呢，係會爛咖，你睇玻璃上面寫啲款啦。我只係見依款蛋糕有實物睇，想叫依款，又唔係要食你枱面依個，有咪有，無咪無囉，咁講嘢令人好不快。當我睇緊玻璃上面啲白色字(因為後面擺咗雜物，啲字比較難睇)，佢已經黑口黑面，準備落單嗰陣，店主大聲唉咗一聲，好似好唔耐煩咁。明明後面無人排隊，佢又無order整緊，完全唔需要咁趕。我食過5,6間鋪嘅巴斯克蛋糕，自己亦都整過，未試過一間嘅蛋糕面係燶到聞落、食落都有苦味而唔係焦香味，啲燶嘅位食落口會覺得喉嚨痛，要刮走表面嗰層先食得落口。以事論事，如果食茶餐廳我唔會要求服務質素，但佢價錢唔算低，服務態度咁差，野食質素又麻麻，令人感覺好差。