Jouer (Closed)

話說早前喺呢間cafe預訂咗生日蛋糕🎂，打算今日同朋友喺呢間cafe慶祝生日。去之前已經知道呢間cafe喺不設訂位，但訂蛋糕時我有講明當日下午一點半會過去拎蛋糕, 同埋會食埋先走 (朋友加埋我總共3個人)。當日一點半去到之後，店員先至同我哋講因為下午兩點會有party, 如果我哋要堂食, 就要我哋半個鐘之內食哂個蛋糕+其他嘢食走人，你自己諗都知無可能啦!其實你有party booking，你就應該喺一早通知返我哋，講明兩點有party, 我哋早D去咪得囉!其實咁既情況，你同我講聲唔好意思咪解決咗，我都冇咁嬲😡但店員態度惡劣, 仲要唔覺得自己有錯，自己唔一早知會我哋有party就叫我哋，一係拎走一係快啲食，想趕我哋走。另外，我哋訂蛋糕時有訂埋生日牌, 佢竟然無比我, 同埋蠟燭要加錢先有又吾一早講!我相信我哋吾係第一個喺你哋鋪頭訂蛋糕慶祝生日既客, 連基本既安排或者預先要問既嘢都吾問。是但喺一間蛋糕店買蛋糕都會問洗吾洗生日牌同蠟燭, 呢D係基本吧!就算當你真係提供吾到或者要另外加錢先有, 你都可以一早講定嫁, 唔喺拎蛋糕先講呢樣唔包果樣又要加錢!本身諗住開開心心同朋友慶祝生日, 點知搞到無