Video
Read full review
2018-11-12
275 views
添好運出名就大家都知，難得今日早放工有時間，經過添好運又咁難得有位，諗都唔洗諗試下呢間奧海城隔離嘅分店啦！🤤我地兩個人叫咗6個點心，上菜速度合理。但啲阿姨見到有客揮手都愛理不理，笑到四萬咁口唔該前唔該後，佢地先會俾反應，成件事調轉咗，好似佢地係客我招呼緊佢地咁🙈🙈🙈明白嘅，飲食業速度快、壓力大，面無表情好正常。但朝早11點幾先啱啱做生意，姐姐啲反應同服務真係差左少少。講返食物，最好食一定係招牌雪山叉燒包！👍👍👍外皮鬆軟，叉燒份量亦合理。但其他幾樣就一般般啦，蝦餃皮尚算薄，但蝦肉唔算特別新鮮。春卷燙口，明顯係新鮮炸出來的👍，但味道極一般，食完都唔知入面有咩餡料。大家都知飲茶叫滑蛋牛肉蒸飯，塊肉係同牛肉球一樣。但呢塊牛肉餅真係淋過毛巾，冇馬蹄亦都冇牛肉味，驚死人哋食唔出溝咗好多粉咁。😞鮮蝦菜苗餃：無感想，不值一提。總括而言，點心只屬一般大酒樓貨色。好彩價錢唔算貴，講唔上抵食，只可以話係不過不失。食飽本來諗住買單走人啦，點知好戲在後頭。😑添好運的座位一向淺窄，我在座位上企起身的時候唔小心跌了銀包在地上，我當然馬上蹲低執返，過程唔超過5秒。一抬頭見到姐姐攞住兩籠點心，準備上菜俾鄰桌，立即講了一
我地兩個人叫咗6個點心，上菜速度合理。但啲阿姨見到有客揮手都愛理不理，笑到四萬咁口唔該前唔該後，佢地先會俾反應，成件事調轉咗，好似佢地係客我招呼緊佢地咁🙈🙈🙈
明白嘅，飲食業速度快、壓力大，面無表情好正常。但朝早11點幾先啱啱做生意，姐姐啲反應同服務真係差左少少。
講返食物，最好食一定係招牌雪山叉燒包！👍👍👍外皮鬆軟，叉燒份量亦合理。
但其他幾樣就一般般啦，蝦餃皮尚算薄，但蝦肉唔算特別新鮮。
春卷燙口，明顯係新鮮炸出來的👍，但味道極一般，食完都唔知入面有咩餡料。
大家都知飲茶叫滑蛋牛肉蒸飯，塊肉係同牛肉球一樣。但呢塊牛肉餅真係淋過毛巾，冇馬蹄亦都冇牛肉味，驚死人哋食唔出溝咗好多粉咁。😞
鮮蝦菜苗餃：無感想，不值一提。
總括而言，點心只屬一般大酒樓貨色。好彩價錢唔算貴，講唔上抵食，只可以話係不過不失。
食飽本來諗住買單走人啦，點知好戲在後頭。😑
添好運的座位一向淺窄，我在座位上企起身的時候唔小心跌了銀包在地上，我當然馬上蹲低執返，過程唔超過5秒。
一抬頭見到姐姐攞住兩籠點心，準備上菜俾鄰桌，立即講了一句唔好意思，然後便行開了。
點知我就得罪咗呢位姐姐啦。姐姐開始罵，話我有乜理由蹲低執左銀包先，不斷向鄰桌的客人指罵我，說我如果不小心向上撞，她的點心就會倒瀉。
但問題是，你在一旁看着我站起身時銀包跌在地上，我又已經馬上拾起，難道你就一定要在我拾起銀包時向前上菜？就不能在原地多等我5秒？還是我應該先等你慢慢上菜，由得銀包喺地下？你上菜時踢到或跘到，咪又係話我點解唔執咗先。我在地上執緊嘢，你竟然想繼續在我頭頂上菜？到底是誰的行為不合理？🤧
本來諗住算啦，做嘢燥底正常嘅，互相體諒啦。點知姐姐嘅指罵一直沒有停止。我走到櫃位前、買單、找錢直到走出門後，她仍然向著鄰桌的客人不斷罵我。🤷🏻♂️
小事化大，實在是欺人太甚。我道氣吞唔落，又冇辦法做到佢咁潑婦罵街，唯有上網做鍵盤戰士。
整體來講，呢間添好運的服務態度有待提升。一間咁出名嘅食肆，服務態度咁差實在不能接受。又或者人哋咁出名，根本唔憂做啦。但對我黎講，這樣的食物質素及服務態度，無下次。
Post
