Video
Read full review
2013-05-29
1435 views
因為今晚帶爸爸媽媽去新光戲院睇南海十三郎，所以先嚟北角食飯。睇食評搵到呢間鋪頭，就嚟試下，點知食到一肚氣！食物一般，但服務態度極之惡劣！話說我哋三個人18:30入座（註：老闆娘喺門口好大聲咁話要人齊先可入座，喺我哋前面有兩位未齊人都唔俾佢入！），因為之後要留枱俾一團十人嘅食客，樓面同我哋講19:30要還枱，我哋話冇問題。過咗二十五分鐘，個團十人訂枱有一個人先入座攞枱，係一個人！佢先坐左張四人枱，等緊我哋還枱。呢個時候19:00都未夠，樓面已經企係我地側邊，不停咁問我哋食完未，起勢係咁執我哋張枱，兼企喺側邊望住我地食。我哋入座後食咗半個鐘都唔夠，就算食完，坐一陣間消化下都得掛？個刻都只喺19:05，見我哋差唔多食完，但無意識要起身還枱，自動喺我哋枱面攞咗我哋張單。唔夠一分鐘，豪不客氣咁隊張單嚟叫我哋埋單。我哋問佢，我地坐低只係半個鐘，就已經摧我哋埋單，使唔使咁趕？明明話19:30前交枱！個樓面一聽，即刻發爛渣話：「咁你哋慢慢坐啦！」Ok,我哋即走。埋單時，收錢個老闆娘一句聲都無出。咁嘅待客（趕客）之道，你會唔會再幫襯？！？
食物一般，但服務態度極之惡劣！
話說我哋三個人18:30入座（註：老闆娘喺門口好大聲咁話要人齊先可入座，喺我哋前面有兩位未齊人都唔俾佢入！），因為之後要留枱俾一團十人嘅食客，樓面同我哋講19:30要還枱，我哋話冇問題。
過咗二十五分鐘，個團十人訂枱有一個人先入座攞枱，係一個人！佢先坐左張四人枱，等緊我哋還枱。呢個時候19:00都未夠，樓面已經企係我地側邊，不停咁問我哋食完未，起勢係咁執我哋張枱，兼企喺側邊望住我地食。我哋入座後食咗半個鐘都唔夠，就算食完，坐一陣間消化下都得掛？個刻都只喺19:05，見我哋差唔多食完，但無意識要起身還枱，自動喺我哋枱面攞咗我哋張單。唔夠一分鐘，豪不客氣咁隊張單嚟叫我哋埋單。我哋問佢，我地坐低只係半個鐘，就已經摧我哋埋單，使唔使咁趕？明明話19:30前交枱！個樓面一聽，即刻發爛渣話：「咁你哋慢慢坐啦！」
Ok,我哋即走。埋單時，收錢個老闆娘一句聲都無出。
咁嘅待客（趕客）之道，你會唔會再幫襯？！？
Post