Video
Read full review
2024-09-28
752 views
見到網上好多好評，但感覺旺角分店整體食物質素一般，最重要係服務態度欠佳。試左lunch set 豬肋骨配薯菜、雞肉墨西哥夾餅、士多啤梨芝巴斯克蛋糕，豬肋骨唔夠熟，相當難切同咀嚼。雖然同佢反映咗，佢有再煮熟少少。但係巴斯克蛋糕就相當一般。最大問題係服務態度欠佳。食到接近3點45分，當時仲有好幾台客，佢嘅其中一位侍應逐一提醒每台客人4:00落場要準備埋單。我哋立即準備埋單，結果發現佢唔收信用卡，就改用八達通支付嘅時候，但八達通冇錢準備增值之際，佢嘅侍應又行開咗，咁我地就先去洗手間等佢過嚟再埋單。結果佢嘅侍應就比說話我哋聽，覺得我哋阻住佢落場，「又話埋單，但係去咗廁所。部（收銀）機淨係等佢一個」。其實我哋去完廁所買埋張單都係3:50多啲。如果佢覺得人哋阻住佢落場，其實佢可以再早啲同人講要埋咗張單先，或者你係限時嘅，你就同人哋講清楚。自己唔做好時間管理，比說話人聽單單打打。呢種服務態度相當之唔專業，唔會想幫襯，亦都唔會推薦任何人。
最大問題係服務態度欠佳。食到接近3點45分，當時仲有好幾台客，佢嘅其中一位侍應逐一提醒每台客人4:00落場要準備埋單。我哋立即準備埋單，結果發現佢唔收信用卡，就改用八達通支付嘅時候，但八達通冇錢準備增值之際，佢嘅侍應又行開咗，咁我地就先去洗手間等佢過嚟再埋單。結果佢嘅侍應就比說話我哋聽，覺得我哋阻住佢落場，「又話埋單，但係去咗廁所。部（收銀）機淨係等佢一個」。
其實我哋去完廁所買埋張單都係3:50多啲。如果佢覺得人哋阻住佢落場，其實佢可以再早啲同人講要埋咗張單先，或者你係限時嘅，你就同人哋講清楚。
自己唔做好時間管理，比說話人聽單單打打。呢種服務態度相當之唔專業，唔會想幫襯，亦都唔會推薦任何人。
Post
