圍威喂 (荃灣廣場) (Closed)

平時唔會寫食評，今次第一次寫食評，想分享下呢個用餐體驗。食物味道一般，正常水平，可以接受，飯份量略少。服務態度有待改善，整個用餐體驗十分不愉快。當日下午6:30入座，由於非繁忙時間，當時店內包括我地2人只有3-4台客人，店內一半台都係空，我地被安排坐一張中間有塊膠板既4人台，當時我地左同右邊都有幾張空既4人台，周邊仲有好多空既2人位同卡位，有個中年女侍應竟然安排後來入座既2位客人同我地同台，本身果2位客人有要求安排其他位，當時有好多空台，但果位女侍應拒絕左，理由係其他位有塊板係到，會坐得唔舒服，呢個解釋真係完全不合理，安排同我地同台都有塊板隔住架，果刻我地真係好無奈，即刻同佢反映，我地接受唔到咁既安排，全場咁多空位，點解正係安排我地4個人迫埋一齊坐？見到有一個客人反而被安排坐卡位？如果係繁忙時間，我地完全唔介意搭台，但咁多空台都要咁安排，比人感覺好差，係針對我地定為左方便d員工？最後我地極速食完，用15-20分鐘食完野就即刻離開餐廳，當時餐廳仍有好多空位。總括黎講呢個價錢有好多質素更好既餐廳可以選擇，唔會考慮再光顧。