老虎堂黑糖專売 (T.O.P This is Our Place)

Open Now

Now Closed

呢間野，報導到幾咁出名幾巴閉，咁岩又經過，咪諗住試下。點知中伏。埋去收銀叫杯波霸黑糖厚奶，要少甜話唔得，好啦我當你d黑糖唔L溝得水，跟手連少冰都話唔得個下我真係企L左係度，我就老虎蟹唔q信你杯杯d冰一樣咁多呀。收銀仲要講野冇尾音，個下已經著著地。通常其他珍奶店都會有d令你好心情愉快嘅售後服務，例如係問你係咪而家飲，幫你篤埋丫，差在未餵到落嘴。而呢間呢，特別與眾不同嘅，偏偏冇售後服務之餘再令你扯火d。我拎完杯珍奶，口渴就緊係隨即拆開個條咁嘅又環保又衛生嘅飲管膠套啦係咪先，平時d珍奶店都會有個位擺人棄置嘅膠套，咁我見佢冇擺出黎，我都以為佢係拎左去清理冇擺返出黎，跟手我就擺個條環保膠係枱頭，咁一般情況下d職員都會直接拎走。就係個刻，黎料喇，阿職員就極差態度話：唔可以擺係度架喎。喂，即係咁，我唔係話你收得錢就一定要幫我清理，但都可以選擇有禮貌返少少話我聽你地冇處理垃圾嘅空間，而唔係黑口黑面一句得埋黎話：你唔可以！我當下知道d人冇禮貌可能係父母教到咁叻豬啦，所以冇鬧冇小返轉頭，不過呢，呢間老虎仔我就唔會幫襯架喇，我唔想糖尿亦唔想比錢買難受，d職員咁唔想做野我都無謂逼佢做丫，下話。