香港地 (Closed)

今日下午是第二次來這間香港地，但以後也不會再來，因為職員服務態度差劣，食物質素亦貨不對辦，實在難以接受。我們一行三人坐低之後叫咗3個午餐，唔够2分鐘個重量級豬扒飯送到，但重量級厚豬扒變咗普通簿豬扒，不特止，啲飯又凍又硬，隔夜冷飯一樣，我們即刻同個女侍應反映，個阿姐聽完之後咩都冇講，轉頭走咗，我們打咗個突，幾分鐘之後黎咗另一個男侍應，我同佢再講了一次：d飯又凍又硬....但個男侍應一句唔好意思都冇講，直接攞起碟飯，然後同我地講：「點過另一個餐囉」，嘩，完全冇得選擇架喎，直接要我地叫過另一個餐，冇諗住換過碟豬扒飯嘅，⋯⋯其間不停吹促我地點餐，黑口黑面，態度極差。總之，今日係最後一次。呢間所謂嘅香港地，唔好影衰香港啦，簡直衰到貼地。