得龍大飯店 (Moved) New Location

見到甘大隻字寫住米芝蓮，特登入去試下，但其實依篇嚴格來說算不上食評，因為我們還未食，已經被激到走左。話說我們入去，見到係茶樓格局，一張張圓桌，午市時間人頗多，我們一眼看不到有空位，向店員說我們有三個人，店員好像聽到了，卻又沒有，總之是愛理不理的，完全無視我們， 這時已經有點不爽，但還是自行找位坐。又比我地搵到，但張枱仲有前度食完啲碗碟，食物殘渣係度，甘我地舉手，叫店員過來清理。點知舉左幾分鐘，完全冇人理我地。終於我們忍不了，就起身，直接到一名站著沒事的店員面前叫他幫忙清理桌面。好，他說，然後卻大叫第二個誰去清理。我們以為會有人過來做野，就番去坐低，點知等多一陣，都係冇人黎。最後真係忍無可忍，乜都冇食就走左，走個陣，我地已經坐左十五分鐘。啲垃圾仲係張枱度。