千房 (Closed)

之前已經好想食大阪燒，今晚終於同朋友仔book到千房，有機會試到啦！千房位置好方便，就係旺角站B出口既商場入面咁我地一坐底，已經聞到勁香噴噴，隔離枱已經開始整緊大阪燒，哈哈，我地馬上睇睇餐牌有咩食，我地先揀左三個小食第一個係香脆鐵板餃子，一種偏扁身既同香脆餃子，店員會直接放上鐵板到，一邊熱住，就咁無咁快凍啦！第二個係芝味豚平燒，有少少似玉子燒，但中間有豚肉，加上日式沙律醬，成個味道好夾！食食下，我同朋友突然覺得濕濕地，原來個爐漏油，滴左落我地隻腳到，店員馬上拎紙巾比我地抹一抹，之後又再拎濕毛巾比我地抹乾淨，之後又幫我地換枱，店員行動好迅速，服務好好，抵讚！第三個係海鮮拼盤，有帶子，蝦，三文魚，好香蒜蓉味～食完三個小食，終於到大阪燒啦～千房有好多款既大阪燒選擇，只有兩款可以自己整，由於我地想快啲有得食，我地就揀左「千房燒」，呢個係唔洗自己燒既，哈哈「千房燒」好厚身同好足料，有豚肉，牛肉，蝦同貝柱，配上濃濃的燒汁，好味道！最後我地仲叫一碟豚肉泡菜炒面，面條少少幼身，味道微辣，食埋炒面就岩岩好啦：）