德膳壽司 (Closed)

成日經過依間餐廳，見佢做放題諗住無好嘢啦，所以一直無幫襯過。今日突然好想食飯，睇見不錯嘅食評，反正lunch time 周圍咁多人，依間唔洗等位一試無妨。因為身體狀況，好多嘢要戒口，見menu 熱食都有幾個選擇，點咗自己煑極都煑得唔好食嘅銀雪魚西京燒定食。先上嘅係蒸蛋，又香又滑好暖胃。另外叫了我好想試試嘅燒玉子，甜甜哋好味道主菜上啦！可能我太晏嚟，個炒菜唔太熱，不過個銀雪魚好啱味，唔會太咸或太甜，連皮都食埋。四眼哥哥係一位好貼心嘅服務員，佢見我沙律唔食得又唔飲得茶，上甜品嘅時候都問下我食唔食得先比我，既唔怕浪費又窩心，其實依篇食評我係因為佢而的起心肝寫。下次我會試埋個放題㗎啦！