德膳壽司 (Closed)

由於近幾個月都嘸食，於是又好好……想食，所以又食多一次，我覺得德善的食物質素一般般，我是對德善好失望。不過，甜品都 ok , 我特別推介是 '中華沙律' ，食完D飽肚嘢 順便清清腸胃。

接完女朋友放工,諗住係上環搵下有咩食,見到呢間德膳壽司都幾高分所以就擇左佢入到去坐低見到D放題紙, 原來係食放題,再睇下枱上面D紙寫住德美, 先知原來呢間係放題版既德美壽司問左店長呢度都有非放題既MENU,所以就坐低繼續我地叫左一個小食拼盤，鰻魚奄列卷，廣島蠔石頭窩飯同鰻魚飯鰻魚卷係水準之作,好香既鰻魚味同埋牛油果同三文魚子, 好配合廣島蠔石頭窩飯就味道幾好,蠔亦好肥，但係就唔夠蠔，最後食淨左D飯鰻魚飯就無咩特別小食拼盤就有D問題, 唔知係唔新鮮定點個關東煮好酸，雞軟骨棒個味又好奇怪。同左店長講，佢就取消左呢個ORDER整體黎講都係德美水準,不過小食拼盤就真係扣左唔小分,同埋諗住一心食間新野,點知原來係德美......

The staff were very friendly and efficient. They were quick to take away empty dishes and the food came quickly. The lunch menu had good variation and comes with salad from a salad bar at the front. It includes Japanese potato salad and boiled eggs. The lunch also came with two pieces of sushi, steamed egg with vegetables and a small dessert in a cup (which was very nice and simple, black sesame jelly with cream).

難得有朋友推薦去德饍食放題，一去念住去食餐好，點知⋯⋯有D野好似串燒，剌身，煮牛舌是好食，但是貴價野你唔等番半至一個鐘都唔使食，仲要係唔好食。我地一開始就叫左鵝肝多士同海膽手卷，點知要成個鐘先到。塊鵝肝多士仲要又凍又乾，D原本好香既油變左一層薄薄既啫哩，真是好難食⋯⋯之後我地又叫左D壽司，個時食左一個鐘左右。到左2.5個鐘既時候，壽司未到，亦冇問食咩雪糕，但有個職員竟然過來趕客😳我地話食物都未到，佢反而一臉不憤走左去，仲大聲話要加錢😡最後壽司到左我地凖備食個陣，竟然有另一個職員係後面施放無型壓力，仲要一食完即刻𢲡個垃圾桶出來送客😡😡😡我以後都唔會再來🔥🔥

約咗個舊朋友係上環食飯，佢揀咗呢間餐廳。睇過openrice食評以為唔會伏先嚟，冇諗過會係個中伏嘅體驗。呢到12點先開店，我同朋友12點半先到，都預咗要等位，但老闆嘅態度實在係有啲反感，好似趕你走咁。大約等咗20分鐘左右，坐低點嘢食。嘢食都冇咩好講了，同朋友都覺得唔值、唔好食、冇味，個甜品簡直係難食。勉強食完，埋單。同朋友嘅餐各$98免加一，我哋一人比咗張$100。老闆嚟收咗，睇住佢放入錢櫃，就完了，完全冇諗住找錢。因為實在太普通，相都冇影。

難得係上環上Training，就當然係附近搵下食啦，同事推介食德膳，開心星期五，walk in等足半小時先有得入座，仍然無阻我地既決心。坐低即時衝去自助沙律區，依家無乜餐廳有自助沙律吧喇，實在係小時候的一個回憶。沙律種類好多，菜都有三四款，仲有粟米，蛋沙律，大番茄🍅，小番茄，沙律汁亦竟然有芝麻醬，太開心了選擇左個佰多元既壽司餐海膽鮮甜，葱吞拿魚小卷入口即溶，大蝦壽司好有驚喜，雖然係熟蝦，但好鮮甜好好食，甜蛋都好有蛋香。整體壽司質素不錯，份量亦都多，仲有蒸蛋同甜品，好滿足！埋單時知道原來午餐係沒有加一，超級抵食！

食物選擇多，味道也不錯，特別是刺身﹑雞翼﹑燒菠蘿，推介~人手不足以至未能立即為客人服務我們是理解的，難得侍應們忙到團團轉時仍保持基本禮貌，沒看到任何一個人擺臭臉，讚~

同男友 walk in食放題, 老闆話餐廳正慶祝三週年所以有九折優惠👍🏻👍🏻👍🏻我們被安排坐在樓上位置, 本來樓上冇乜人都ok, 後來越嚟越多人我哋先驚覺原來鞋架就放在我們隔壁!!! 😓😓😓 鞋架沒有櫃門, 男友好慘要聞住臭味食放題... 😵😵😵好在食物質素唔錯, 壽司都好好味, 不過始終係放題唔想食太多飯! 試過就算~ 刺身用料新鮮, 帆立貝極度鮮甜! $258就有放題食, 種類多又好味, 串燒例如冬菇同牛脷都好好味! 大大力推介~~~不過如果坐樓上記得要望下鞋架會不會在隔離🙈🙈🙈

朋友介紹德膳, 所以想試下, 叫了生薑牛肉燒定食, 牛肉肉汁多而不膩, 再配上味曾湯及蒸蛋, 最後來一客甜品, 份量剛剛好, 如果嫌不夠, 還有個任食自助沙律吧, 有蛋, 粟米, 菠蘿粒, 薯蓉, 車厘茄, 雜菜等, 包你食到 "lam lam" 脷 ~~~

上星期六 ot, 揀了德膳食 lunch, 人流比起平日少了ㄧ大半, 所以我地可以休休閒閒嘆午餐。叫了個德膳便當 , 有魚有豬扒等...相當豐富, 還有蒸蛋 (略為老了 dd) , 最後來ㄧ口泡芙, 已令人大快朵頤 。

隔咗一段時間冇來這裡， 原來個沙律🥗改成了自助salad bar, 有成11種料和4個汁你任選擇配搭，對於鍾意食蔬菜🌿生果🍍🍅🌽的我，正!今回叫咗壽司定食配牛肉烏冬。。嘩😍，6件刺身( 吞拿魚腩蓉， 三文魚 ， 魚籽， 帶子 ， 熟蝦，餘下估係hamachi)+2件玉子，新鮮又美味。大大碟沙律， 足料嘅蒸蛋 (鮮菇， 蟹柳，白果，肉)， 食埋碗牛肉烏冬，飽到連個甜品~雪糕泡芙, 😅都吃不下了。午市免加一，$138, ✌太棒了!

呢間放題我係想去食好耐架喇，因為果日要去附近永安買嘢，所以搵個藉口嚟呢度食散叫晚餐，點知睇完餐牌，阿SIR話不如食放題啦，反正二百幾蚊又唔太貴，就係咁樣造就咗我呢個願望喇！首先我想講呢度d服務態度，我係想比95分既，佢哋真係做嘢好快手，無論落單、收碟、加茶等等都好自動波，又會同個客吹下水，甚至會問個客食物味道如何．．．好有heart呀！因為無準備夜晚食放題，所以出唔到十成功力，只係試咗下面咁多食物咋～刺身方面：最正係油甘魚、三文魚同帶子，其他都OK既炸物：蠔、蝦、天婦羅、芝麻鷄翼上枱全部熱辣辣，炸漿唔厚，全部OK壽司手卷：只試咗海膽手卷，細細個唔會太飽，但海膽質素一般串燒：冬菇、雞軟骨、牛舌都OK，雞肉串唔好味熱食：焗蠔、羊架、多春魚、汁煮牛舌、秋刀魚、粟米、鵝肝多士、玉子燒、清酒煮蜆、辣酒花螺、牛肉鍋，當中羊架最羶最好味，花螺好入味，牛肉鍋好足料，而鵝肝多士塊鵝肝好流好難食，清酒煮蜆d酒已經揮發咗變清水煮蜆甜點：燒菠蘿好新鮮好甜，其他蛋糕我就一件都無試，另送每人一杯Haagen-Dazs兩人共消費：$560

往上環買嘢，買完想著食日本嘢， 尋尋找找，找了間小店近信德。可能一個“德“，就看看得唔得。店內裝修似居酒屋，櫃上貼滿日本酒封紙及一個高高的魚生Bar。幾位師傅合作在後料理無間。在bar table坐下，見到啲蟹仔還動，各類魚生新鮮，沒有主意，便叫了個壽司set 叫做“德“。另試埋炸物，一於大包圍，雜錦天婦羅。壽司set 有晒我想食的海鮮，大拖肥而不膩，牡丹蝦鮮甜肉爽，蝦頭也可三種烹調，最後選了來煲麵豉湯，湯頭清而鮮。眾壽司尚算新鮮，飯量拿捏準確，味道佳， 唯帆立貝口感略為粉，不太爽口。壽司總括而言出色。天婦羅都炸得很好，不油膩，蝦同魚都食到層次，不是一舊不知名的炸物，炸皮都很薄。這裏環境都很適合傾談，還有最後才知這裏有晚市放題，若以這質素，值得一試。

這間日式小店夜晚做任食放題，午餐亦有提供午市套餐價格由，選擇花款很多元化，有壽司，刺身飯，燒肉，牛肉鍋，拉麵，鰻魚飯等等。只要order了一款午餐，就可以出去外面的沙律吧任裝沙律，有薯沙律，栗米，菠蘿，紅豆，青瓜，這裏嘅沙律菜好新鮮爽脆，又有凱撒沙律醬, 芝麻醬，和風芥末醬等可選，好開胃又健康。前菜有蒸蛋，麵豉湯，正餐我叫了一份姜燒牛肉，滿滿一碗嘅牛肉，另外還附有一小碟炒椰菜和一碗飯，好多野食呀！！同事叫了一份德膳和食便當(天婦羅和燒魚), 睇落都錯。另外朋友叫的海膽雜錦乾身飯，好吸引，魚生鮮甜。最後還有小泡芙做甜品 ,為午餐劃上完美嘅句號。

工作地點臨近上環，好多時都會向呢頭搵食。有時想食日式，都會諗起上環嘅德膳，因為野食唔錯，而且lunch唔洗加一。對我地呢d打工仔來講，慳得一蚊得一蚊吖嘛今次我叫左野菜牛肉鍋lunch set, 包左前菜自助沙律bar, 茶碗蒸蛋，飯同甜品（但我呢個set係無味噌湯嘅）沙律吧有幾款蔬菜，菠蘿，紅腰豆，粟米，薯仔沙律，蛋，仲有四款沙律醬，不過職員好忙，無咩時間refill........主食係野茶牛肉鍋（$88）分量都幾大，入面除左野菜，金菇，牛肉，蛋之外，仲有冬粉，而且仲配一碗白飯，食飽無難度。茶碗蒸蛋，我通常最尾先食，因為呢度個茶碗蒸蛋好好食，超滑～～如果一上就食，會熱過頭辣親架，要小心！甜品就係細細杯嘅慕絲，普普通通啦～埋單就係$88，唔洗加一