PizzaExpress (高安閣) (Closed)

星期日，我地一行四人，揀咗個4人set lunch,可以揀2個頭盤、4個makn course、仲有4杯餐飲，份量足。頭盤: 我地揀咗意式焗肉丸麵包球&牛油果蕃茄沾醬配薄脆包。焗肉丸: 以蕃茄加上肉丸一齊焗，茄味濃郁，肉丸入曬味，加上有少少咸味嘅麵包球，好快就被食曬。牛油果蕃茄沾醬: 個醬做得好幼滑，食到牛油果嘅味道，再加上有少少開心果碎，整體好香，幾清新，本人覺得比焗肉丸更好味。另外仲揀咗個卡邦尼意粉、蟹肉意粉(須加錢)、火箭菜巴馬臣火腿pizza、和海鮮pizza(須加錢)，全部質數都唔錯。由於食物上枱嘅速度都幾快，幾個主菜差不多一齊嚟，張枱原本唔夠位放，但個外藉侍應生好醒目，攞咗個架嚟，即刻變咗可以放2層食物，等桌面可以鬆動D，夠細心，抵讚。總括而言，太古城呢間分店無論食物質數，定係服務態度，都比旺角moko嗰間優勝好多。