Video
Read full review
2010-07-02
4 views
因為早已訂了枱, 所以唔駛點等, 一行 4 人, 7:30 分行入小肥羊...同樣, 任食火鍋的質素大家都心照, 所以我亦唔會對食物的質素有咩奢想, 旺角地方, 138 一位, 算啦, 食得飽就算了坐落 waiter 遊說我地加 30 蚊轉豪華版任食, 有珊瑚蚌, 貴妃蚌, 原件焗羊架, 靚 d 既牛肉同羊肉, 算啦, 反正 30 蚊, 而且普通版全食真係冇咩好食... 加就加啦7:35 落單叫湯底, 足足等左 20 分鐘先上第一碟生料, 就係粟米.. 湯底依然未見... 等了 30 分鐘, 湯底依然未到... 火到黎埋... 任食 2 小時, 等左半個鐘 ?? 即時投訴, 湯底一分鐘後就到, 但時間又唔見改返...生料上枱真係慢到離譜, 不斷聽到有人投訴 "等左好耐", 成層樓 20 幾張枱, 得 3 個 waiter 2 個部長, 你想點快 ??講返食物先, 牛肉同羊肉分唔開, 都唔知邊 d 羊邊 d 牛, 好彩我兩樣都食, 咁就冇咩問題. 其實點解唔考慮一下用唔同碟呢 ? 肉類都算好味, 起碼唔騷. 其他行貨野一般般啦, d 蝦就好似發育不良咁... 用黎包雲吞
同樣, 任食火鍋的質素大家都心照, 所以我亦唔會對食物的質素有咩奢想, 旺角地方, 138 一位, 算啦, 食得飽就算了
坐落 waiter 遊說我地加 30 蚊轉豪華版任食, 有珊瑚蚌, 貴妃蚌, 原件焗羊架, 靚 d 既牛肉同羊肉, 算啦, 反正 30 蚊, 而且普通版全食真係冇咩好食... 加就加啦
7:35 落單叫湯底, 足足等左 20 分鐘先上第一碟生料, 就係粟米.. 湯底依然未見... 等了 30 分鐘, 湯底依然未到... 火到黎埋... 任食 2 小時, 等左半個鐘 ?? 即時投訴, 湯底一分鐘後就到, 但時間又唔見改返...
生料上枱真係慢到離譜, 不斷聽到有人投訴 "等左好耐", 成層樓 20 幾張枱, 得 3 個 waiter 2 個部長, 你想點快 ??
講返食物先, 牛肉同羊肉分唔開, 都唔知邊 d 羊邊 d 牛, 好彩我兩樣都食, 咁就冇咩問題. 其實點解唔考慮一下用唔同碟呢 ? 肉類都算好味, 起碼唔騷. 其他行貨野一般般啦, d 蝦就好似發育不良咁... 用黎包雲吞差唔多... 豪華版既牛同羊亦未見出色, d 咩蚌老實講就唔係好新鮮架啦... 全晚最好味係焗羊架, 我一人食左 3 件, 但要等成半個鐘... 麻辣湯底唔夠麻, 亦唔夠辣.. 皮蛋湯就冇味...
服務真係... 不吐不快... 基本上你叫任何野, 起碼要叫 3 次. 班 waiter 係忙 ? 定係根本冇聽 ? 叫豉油要 3 次, 叫可樂要 3 次, 而每次同一個人問你係咪任飲, 叫 garlic 要 3 次, 而每次同一個人問你 6 蚊碟要唔要. 真係火都黎埋...
最經典係搵人沖茶, 冇人理, 唯人死1死地氣去水吧搵人沖. waiter 問邊張枱, 幫你拎過去. 等左 2 分鐘, 水壺返黎, 一沖... 嘩... 普洱變左青綠色, 聞一聞... 正呀. 原來普洱用白湯黎沖 !! 你話咁樣做野有冇 heart ??!!
唯一好處: 過左鐘冇人催, 7 點半坐到 11 點半, 係 MK 真係難搵...
Post