Video
Read full review
2023-03-23
15 views
首先要講嘅係初次約會千祈唔好離呢間餐廳，因為你會掛住埋頭苦吃完全唔會同對方交流，之後就會飽到講唔到野🤓冇錯，係超飽，我地兩個女仔一開始已經知道會食唔曬所以嗌咗少飯，點知少飯都係無敵爆炸多，推薦各位大胃王去食！！！.我地嗌咗一個set，包含兩個扒同一個飯，仲嗌咗兩杯野飲。首先講下個飯，裡面有菇、金菇、（巨量）牛肉同溫泉蛋，我係個中意食甜野嘅人，而呢個飯食落有少少唔過分嘅甘甜，加埋撈咗軟滑嘅溫泉蛋同韌勁適中嘅菇，好食到我唔知食飯定食扒好😫又驚食飯食飽會食唔落其他野，細食又為食嘅女仔真係好矛盾🙉.然後就係餐廳嘅重頭戲扒扒，話係漢堡扒，其實係漢堡扒整成嘅波波，食嘅時候只要將少少漢堡扒鏟去舊石上面將佢係上面極速來回翻滾，好快就食得。推薦配埋少少鹽同醬一齊食！上面仲有蛋同會拉絲嘅芝士，一整個蛋白質炸彈。蛋入面仲收埋咗蒜，炸蒜超級香！不過都係嗰句啦，約會唔好食哈哈哈🤣.就連野飲都要重點介紹，無他，佢真係超——級——多。我自問係個水桶，去親餐廳嗌野飲都唔夠飲，而呢間餐廳嘅特飲我地窮盡二人之力都飲唔曬，真係唔好意思🙈我地嗌咗金橘檸檬特飲同蜂蜜柚子茶，呢兩杯野飲比較類似，就係出面嗌嘅時候成日都會覺得好酸澀
.
我地嗌咗一個set，包含兩個扒同一個飯，仲嗌咗兩杯野飲。首先講下個飯，裡面有菇、金菇、（巨量）牛肉同溫泉蛋，我係個中意食甜野嘅人，而呢個飯食落有少少唔過分嘅甘甜，加埋撈咗軟滑嘅溫泉蛋同韌勁適中嘅菇，好食到我唔知食飯定食扒好😫又驚食飯食飽會食唔落其他野，細食又為食嘅女仔真係好矛盾🙉
.
然後就係餐廳嘅重頭戲扒扒，話係漢堡扒，其實係漢堡扒整成嘅波波，食嘅時候只要將少少漢堡扒鏟去舊石上面將佢係上面極速來回翻滾，好快就食得。推薦配埋少少鹽同醬一齊食！上面仲有蛋同會拉絲嘅芝士，一整個蛋白質炸彈。蛋入面仲收埋咗蒜，炸蒜超級香！不過都係嗰句啦，約會唔好食哈哈哈🤣
.
就連野飲都要重點介紹，無他，佢真係超——級——多。我自問係個水桶，去親餐廳嗌野飲都唔夠飲，而呢間餐廳嘅特飲我地窮盡二人之力都飲唔曬，真係唔好意思🙈我地嗌咗金橘檸檬特飲同蜂蜜柚子茶，呢兩杯野飲比較類似，就係出面嗌嘅時候成日都會覺得好酸澀，但呢間餐廳嘅野飲完全唔會！入口溫潤順滑、清新又解膩，食扒嘅時候好需要離返杯😘價錢以容量離講都超級抵！
.
最後要盛讚福岡漢堡扒嘅店員，佢地真係個個都又有禮貌又好人🥺雖然入去之前都要等，但完全唔會覺得難受。一開始整扒嘅時候難免手忙腳亂，但店員好快就上離指示我地應該點做（教我地用鏟🤣），又會細心咁俾濕紙巾我地、定時定候換石，雖然我食得慢搞到佢要換好多次，但佢都會叫我慢慢食🥺不過店員就唔會問夠唔夠食，只會問會唔會太多🤣🤣🤣🤣🤣make sense！
Post
