大壹燒鵝 (MOSTown Street新港城中心大街(3期))

Open Now

Now Closed

馬鞍山自從新創發茶餐廳冇做之後都好少餐廳可以開到凌晨兩點， 係同一個位置開咗大一其實我都好期待，開張頭幾日好多人去排隊，所以冇去。兩個禮拜之後決定一試，試咗燒味飯完全喜出望外，特別係啲叉燒半肥瘦，烹調味道非常好👍服務態度一流👍由門口至收銀到侍應都非常之咁好態度，值得加分。晚上小菜，不過不失，大家可以食燒味同埋小菜， 整體都乾淨企你賣相ok，但我覺得始終不及燒味做得好，可能燒味始終都係主打。呢煲仔菜同小菜都不過不失，不過手撕雞真係有點不敢恭維😂 ， 感覺啲肉質唔係咁好。同埋如果你晚上去食一個燒味飯加杯嘢飲要成五六十蚊感覺上係有少少貴🤔但整體嚟講由服務門面到食物質素，我覺得都屬於中上水平值得去支持嘅。