Video
Read full review
2023-04-01
188 views
老老實實，呢個價錢食到咁豐富嘅半自助餐真係好滿足，多款前菜不在話下，凍海鮮refill嘅速度亦好快，甜品更加係被「多國度」包圍🤤。甚至大家如果想更輕盈啲，可以考慮下單選自助沙律、飲品、甜品吧，價錢都係$188咋。今次我地揀咗兩款主菜：🍝#卡邦拿意大利扁麵配溫泉蛋 ($235)▪️卡邦拿汁有明顯蛋香味，唔會太濃稠▪️煙肉、洋蔥、蘑菇鹹鹹甜甜一啲都唔油，配料嚟講算多▪️意粉偏向硬身較有飽足感🍖#主廚精選 - 特選部位牛扒、香辣大蝦、羊仔扒、煎帶子 ($388)▪️特選部位應該係肉眼扒，表面有烤過嘅焦香味，肉嘅部位叫咗五成，切開外表粉嫩入面幾有咬口▪️香辣大蝦開邊煎，肉質反而有啲腍，不過真係幾大隻▪️羊仔扒份量較細，脂肪部位超重羊騷味😍，反而肉就冇乜▪️煎帶子有兩大粒，裏面仍係半生熟狀態，有甜味其他自助食品：有沙律、凍海鮮、麵包、湯、飲品、甜品。🥗沙律嘅款式非常多，有比較常見嘅薯仔沙律、胡麻醬沙律菜等等，蔬菜新鮮爽脆。🦐凍海鮮就有蝦、蜆同埋青口，唔會有雪味，蝦同埋青口幾大隻。🍲是日餐湯係蘑菇湯，飲到好多蘑菇粒粒，不過冇忌廉所以並非好澀嘅質感。🍮甜品方面，餐廳提供咗至少十款糕點同甜品，tiramisu同埋朱
老老實實，呢個價錢食到咁豐富嘅半自助餐真係好滿足，多款前菜不在話下，凍海鮮refill嘅速度亦好快，甜品更加係被「多國度」包圍🤤。甚至大家如果想更輕盈啲，可以考慮下單選自助沙律、飲品、甜品吧，價錢都係$188咋。
今次我地揀咗兩款主菜：
🍝#卡邦拿意大利扁麵配溫泉蛋 ($235)
▪️卡邦拿汁有明顯蛋香味，唔會太濃稠
▪️煙肉、洋蔥、蘑菇鹹鹹甜甜一啲都唔油，配料嚟講算多
▪️意粉偏向硬身較有飽足感
🍖#主廚精選 - 特選部位牛扒、香辣大蝦、羊仔扒、煎帶子 ($388)▪️特選部位應該係肉眼扒，表面有烤過嘅焦香味，肉嘅部位叫咗五成，切開外表粉嫩入面幾有咬口
▪️香辣大蝦開邊煎，肉質反而有啲腍，不過真係幾大隻
▪️羊仔扒份量較細，脂肪部位超重羊騷味😍，反而肉就冇乜
▪️煎帶子有兩大粒，裏面仍係半生熟狀態，有甜味
其他自助食品：
有沙律、凍海鮮、麵包、湯、飲品、甜品。
🥗沙律嘅款式非常多，有比較常見嘅薯仔沙律、胡麻醬沙律菜等等，蔬菜新鮮爽脆。
🦐凍海鮮就有蝦、蜆同埋青口，唔會有雪味，蝦同埋青口幾大隻。
🍲是日餐湯係蘑菇湯，飲到好多蘑菇粒粒，不過冇忌廉所以並非好澀嘅質感。
🍮甜品方面，餐廳提供咗至少十款糕點同甜品，tiramisu同埋朱古力撻特別濃味。
餐廳仲有做緊長崎和牛買一送一優惠($498)，計返每位都係$249一位，好抵食😍。
Post
