Video
Read full review
2023-11-01
2850 views
[ The Sky Bar ]放工約朋友食飯飲返杯，選址方便好緊要。旺角朗豪坊頂樓有幾間酒吧西餐廳，其中呢間The Sky Bar每日都做緊唔同優惠。優惠1️⃣星期二、日：精選生蠔拼盤🦪半價優惠2️⃣星期一、三、四：指定餐牌 飲品＋小食 任飲任食2小時 每位$228由下午3時至晚上9時供應。任食小食有5款：炸薯條、烤雞肉腸、脆炸魷魚圈、香辣雞翼及脆炸洋蔥圈。全部上枱時熱辣辣，炸物脆卜卜夠香口。個人最中意炸薯條及香辣雞翼，食完再encore😝。食咁多炸嘢又點少得飲返幾杯，飲品有廿幾款，種類有cocktails、生啤、紅白氣酒、mocktails、果汁、汽水等，全部任飲🍻🍹。優惠3️⃣每日：Happy Hour指定時段內，所有飲品特價。除咗以上優惠，餐廳本身有供應海鮮、意粉及扒類等菜式。Sides✿ 紙包黑松露香草炒什菌 $108 🍄呢道菜式外形好似糖果包裝紙🍬，相當精美。雜菌份量好多，以紙包烹調保留黑松露及香草嘅香氣。Pasta🍝✿ 烤龍蝦 •海鮮•龍蝦汁手捲意大利麵 $258海鮮有連殼龍蝦🦞、帶子及魷魚🦑，超充料。當日醬汁由龍蝦汁轉為香草番茄汁，醬汁清新不膩。麵條呈金黃色，係向內捲嘅長條形意粉，口
放工約朋友食飯飲返杯，選址方便好緊要。旺角朗豪坊頂樓有幾間酒吧西餐廳，其中呢間The Sky Bar每日都做緊唔同優惠。
優惠1️⃣
星期二、日：精選生蠔拼盤🦪半價
優惠2️⃣
星期一、三、四：指定餐牌 飲品＋小食 任飲任食2小時 每位$228
由下午3時至晚上9時供應。任食小食有5款：炸薯條、烤雞肉腸、脆炸魷魚圈、香辣雞翼及脆炸洋蔥圈。全部上枱時熱辣辣，炸物脆卜卜夠香口。個人最中意炸薯條及香辣雞翼，食完再encore😝。
食咁多炸嘢又點少得飲返幾杯，飲品有廿幾款，種類有cocktails、生啤、紅白氣酒、mocktails、果汁、汽水等，全部任飲🍻🍹。
優惠3️⃣
每日：Happy Hour指定時段內，所有飲品特價。
除咗以上優惠，餐廳本身有供應海鮮、意粉及扒類等菜式。
Sides
✿ 紙包黑松露香草炒什菌 $108 🍄
呢道菜式外形好似糖果包裝紙🍬，相當精美。雜菌份量好多，以紙包烹調保留黑松露及香草嘅香氣。
Pasta🍝
✿ 烤龍蝦 •海鮮•龍蝦汁手捲意大利麵 $258
海鮮有連殼龍蝦🦞、帶子及魷魚🦑，超充料。當日醬汁由龍蝦汁轉為香草番茄汁，醬汁清新不膩。麵條呈金黃色，係向內捲嘅長條形意粉，口感有嚼勁，非常掛汁。
Mains🥩
✿ 美國克厘石牧場安格斯肉眼配巴黎牛油(10安士) $326
從網上資料見到美國🇺🇸克厘石牧場標榜天然黑安格斯牛肉🐮🥩，不含激素或抗生素，食得健康👍。10安士嘅安格斯肉眼相當大塊及厚肉，油花平均，煎至7成熟後肉質嫩滑，肉味香濃。
總結🫦
呢間酒吧西餐廳位於朗豪坊頂層，夜空天幕環境有氣氛兼浪漫感覺。中意飲酒嘅朋友可以試下$228任飲任食2小時嘅優惠，飲返幾杯酒已經值回票價😆。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
The Sky Bar
地址：旺角亞皆老街8號朗豪坊13樓1號舖
電話：3514 4448
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
