Video
Read full review
2022-07-01
546 views
朗豪坊雞蛋餐專門店 - TAMAGO - EN呢日同食極都有8舊腹肌既健身教練係旺角睇完戲，有D肚餓，於是佢介紹左我去一間佢話健身期間都食得既餐廳開餐啦。餐廳係朗豪坊Food Court果層，叫Tamago-EN，佢話係新加坡人氣雞蛋主題餐廳，等我睇個名仲以為係日本餐廳黎。餐廳全店都係用日本沖繩農場直送雞蛋，由小食玉子燒、主菜蛋包飯、甜品梳乎厘班戟到飲品奶昔等等都係以雞蛋入饌，配合各種食材創出唔同口味，十分多元化！餐廳地方唔大，主要以雞蛋既橙、黃、白色為主色，餐廳兩面玻璃牆上既雞蛋造型裝飾同天花上既橙色燈飾，都好配合餐廳以雞蛋為賣點既主題! 餐廳俾人一種簡潔乾淨既感覺，光線充足，客人係度食野係會幾舒服既 ! 假期黎食野仲要係中午，我地都以為會要等好耐啦，好彩我地只係兩個人，黎到岩岩有兩客人食完離開，咁我地就即刻可以入座唔洗等位。一坐低服務員就遞上餐牌，然後就忙住執台啦。餐廳生意好好，咁我地睇左陣餐牌後，已經有心水啦，就揀左兩個餐試下 : 1. 公司三文治 - 三文治超大份，麵包好厚身，入口十分鬆軟；而雞蛋熟度亦剛好，蛋香味極濃，咬開仲會有微微蛋汁滲出，套餐亦都跟薯條， 波浪形厚切既薯條
呢日同食極都有8舊腹肌既健身教練係旺角睇完戲，有D肚餓，於是佢介紹左我去一間佢話健身期間都食得既餐廳開餐啦。餐廳係朗豪坊Food Court果層，叫Tamago-EN，佢話係新加坡人氣雞蛋主題餐廳，等我睇個名仲以為係日本餐廳黎。餐廳全店都係用日本沖繩農場直送雞蛋，由小食玉子燒、主菜蛋包飯、甜品梳乎厘班戟到飲品奶昔等等都係以雞蛋入饌，配合各種食材創出唔同口味，十分多元化！
餐廳地方唔大，主要以雞蛋既橙、黃、白色為主色，餐廳兩面玻璃牆上既雞蛋造型裝飾同天花上既橙色燈飾，都好配合餐廳以雞蛋為賣點既主題! 餐廳俾人一種簡潔乾淨既感覺，光線充足，客人係度食野係會幾舒服既 !
假期黎食野仲要係中午，我地都以為會要等好耐啦，好彩我地只係兩個人，黎到岩岩有兩客人食完離開，咁我地就即刻可以入座唔洗等位。
一坐低服務員就遞上餐牌，然後就忙住執台啦。餐廳生意好好，咁我地睇左陣餐牌後，已經有心水啦，就揀左兩個餐試下 :
1. 公司三文治 - 三文治超大份，麵包好厚身，入口十分鬆軟；而雞蛋熟度亦剛好，蛋香味極濃，咬開仲會有微微蛋汁滲出，套餐亦都跟薯條， 波浪形厚切既薯條即叫即炸，條條金黃， 外脆內軟 !
2. 燴雞肉蛋包飯 - 嫩滑雞肉遇上沖繩新鮮雞蛋製成嘅旋風滑蛋，真係蛋香味十足 ！加埋秘製燴牛肉汁，真係見到都流晒口水呀！
Tamago-EN
地址：旺角亞皆老街8號朗豪坊4樓08號舖
電話：2650 3335
營業時間：星期一至日 12nn-10pm
備註：設加一
Post
