Video
Read full review
2022-07-12
502 views
今日黎到位於尖沙咀既哩間日式料理餐廳。餐廳環境舒適，有睇到廚師製作食物既吧檯位，亦有其他二人及四人座位。而且餐廳兩邊都望到海景🌊望住海景嘆omakase都真係幾正～今次叫左午市既廚師發板～✨Lunch Omakase $880（6種刺身、6種壽司、1種和食）🔸前菜：沖繩水雲水雲係一種海藻，口感黏滑，味道清爽微酸，配上切粒蕃茄、青瓜蓉同水戶，更添口感。🔸日式蒸蛋滑溜既蒸蛋上面有鮮甜既三文魚籽同絲絲蟹肉。🔸刺身·水八爪魚·右口魚水八爪魚觸鬚切片，入口富質感，而吸管非常爽彈；右口魚新鮮，魚身包上鮮甜既海膽，意想不到地夾，燒過既右口魚裙邊充滿魚油香，非常好食👍🏻·平政魚·野生拖羅·池魚他他平政魚厚身肥美，燒過既魚皮充滿油香，加上柚子胡椒，味道微辣特別；野生既拖羅肌肉量會多啲，但入口同樣肥美；池魚他他加上茗荷，即係日本薑及蔥，唔需要再加豉油，直接食就得，魚肉質感滑身，配上薑、蔥、芝麻一齊食係另一種風味。🦪北海道岩手縣赤崎珍蠔赤崎珍蠔size都幾大，上面放上紫洋蔥醬，所以唔需要再點任何醬，一入口已經食得出好新鮮，質感較為爽身，味道鮮甜。🔸壽司赤鮭魚、白蝦、吞拿魚腦天、沙甸魚、海鰻、海膽魚籽燒過既赤
今次叫左午市既廚師發板～
✨Lunch Omakase $880
（6種刺身、6種壽司、1種和食）
🔸前菜：沖繩水雲
水雲係一種海藻，口感黏滑，味道清爽微酸，配上切粒蕃茄、青瓜蓉同水戶，更添口感。
🔸日式蒸蛋
滑溜既蒸蛋上面有鮮甜既三文魚籽同絲絲蟹肉。
🔸刺身
·水八爪魚
·右口魚
水八爪魚觸鬚切片，入口富質感，而吸管非常爽彈；右口魚新鮮，魚身包上鮮甜既海膽，意想不到地夾，燒過既右口魚裙邊充滿魚油香，非常好食👍🏻
·平政魚
·野生拖羅
·池魚他他
平政魚厚身肥美，燒過既魚皮充滿油香，加上柚子胡椒，味道微辣特別；野生既拖羅肌肉量會多啲，但入口同樣肥美；池魚他他加上茗荷，即係日本薑及蔥，唔需要再加豉油，直接食就得，魚肉質感滑身，配上薑、蔥、芝麻一齊食係另一種風味。
🦪北海道岩手縣赤崎珍蠔
赤崎珍蠔size都幾大，上面放上紫洋蔥醬，所以唔需要再點任何醬，一入口已經食得出好新鮮，質感較為爽身，味道鮮甜。
🔸壽司
赤鮭魚、白蝦、吞拿魚腦天、沙甸魚、海鰻、海膽魚籽
燒過既赤鮭魚，入口帶有魚油香，面層仲放上三星漬；白蝦細細隻，一舊壽司上面有大約十幾二十隻，用昆布醃製過，口感較黏，味道鮮甜，面層灑上竹炭鹽；吞拿魚腦天即係吞拿魚頭殼頂嗰塊肉，經過燒製，加上微辣脆身既Wasabi漬，入口充滿油脂香；沙甸魚魚味濃郁，配上薑蓉及蔥醬；劏、煮、燒海鰻既過程都係餐廳自己處理，海鰻入口滑身軟腍，非常好食；用上鮮甜既馬糞海膽，魚籽經過醃製，較大粒飽滿。
🔸燒白子
燒白子加上烏魚子粉調味，外皮煙韌鹹香，內裏係半融狀態，質感有啲似豆腐，非常滋補。
🔸麵豉湯
🔸甜品：抹茶奶凍
抹茶奶凍係餐廳自家製既，奶凍滑溜，加上抹茶醬，香甜好食～
整體黎講，餐廳環境舒適，食材新鮮，以$880哩個價錢來講性價比真係幾高，有興趣既可以一試。
Post
