St Betty (Closed)

5月5日, 今個月係我地2人世界嘅最後一個紀念月喇~ 當然都要浪漫慶祝一番啦, 所以我地揀咗嚟IFC嘅ST BETTY嘆番個下午茶~::: Afternoon Tea Set For 2 ::: $398呢個Tea Set都有幾多野食, 由下而上分別有三文治、鬆餅同甜點, 有咸有甜, 作為嗜咸嘅我, 同嗜甜嘅呀菲都十分適合~ 成個點心架咁上枱, 都幾靚, 擺切都好有心思~ 比例上其實偏小, 樣樣野都係細細件細細件咁.一層一層, 底層係三文治, 中間就係鬆餅, 頂層就係甜點~ 三文治有四款, 分別有火箭菜沙律、蕃茄sasa、烤牛肉同埋三文魚, 每一款都好有特色~ 火箭菜同蕃茄sasa呢2款以素菜為主嘅就好清新, 而三文魚有油香得嚟又唔會好膩~ 最好食嘅係烤牛肉, 肉地唔會韌味道亦唔錯~ 另外仲有d麵包仔, 食落甜甜地咁都好香~鬆餅有4件, 亦都有附上2種jam同clotted cream, 本身個鬆餅味道都唔錯, 而搽jam食就多咗一份果味, 個jam本身都幾好味, 提子味夠濃橙味帶少少酸, 可以中和番鬆餅本身滯膩感. 反而搽clotted cream就雖然多咗油香, 但有點兒太膩...