Video
Read full review
2024-05-04
1782 views
今次同屋企人食生日飯揀咗食鐵板燒，呢間位於尖沙咀The One，位置都幾方便，因為我哋有7個人，訂枱時問咗可以安排房間，房入面有大Bar枱，上面有兩塊大鐵板，前面嘅窗仲睇到海景（不過我哋去當日有一半時間都落緊大雨🥹)，環境幾舒適！•📸鐵板鮑魚套餐 $598📸鐵板龍蝦二人套餐 $1380>沙律、前菜、刺身三點、大蝦(鮑魚餐)/西澳龍蝦(二人餐)、南非鮑魚、美國牛柳、炒飯(和牛/櫻花蝦)、味噌湯、漬物、甜品、咖啡/茶<呢兩個餐嘅都有南非鮑魚，而最大分別就係龍蝦二人餐有一隻西澳龍蝦🦞，而鮑魚餐就係大蝦🦐，無龍蝦～因為有屋企人唔食刺身，所以我哋問咗師傅/侍應有咩可以轉，最後佢哋offer咗鐵板原隻帆立貝，煎香咗嘅帆立貝都好鮮甜，入面仲有少許半生質地，口感嫩滑！當日嘅龍蝦同鮑魚都好新鮮🥰 師傅話所有海鮮都係新鮮劏嘅，口感同味道都會好啲～ 龍蝦係每人有半隻，超級鮮甜🤩 配上用龍蝦膏調製嘅醬汁，超級惹味🤤 而且龍蝦肉都好大件！鮑魚就配咗紫菜蠔汁，連個肝都有處理好，煎香一齊食～我哋都係第一次食埋，味道都唔腥喎！美國牛柳就配咗黑松露醬汁同蒜片，都係好大路嘅做法～但煎得好香，加埋黑松露醬味
•
📸鐵板鮑魚套餐 $598
📸鐵板龍蝦二人套餐 $1380
>沙律、前菜、刺身三點、大蝦(鮑魚餐)/西澳龍蝦(二人餐)、南非鮑魚、美國牛柳、炒飯(和牛/櫻花蝦)、味噌湯、漬物、甜品、咖啡/茶<
呢兩個餐嘅都有南非鮑魚，而最大分別就係龍蝦二人餐有一隻西澳龍蝦🦞，而鮑魚餐就係大蝦🦐，無龍蝦～
因為有屋企人唔食刺身，所以我哋問咗師傅/侍應有咩可以轉，最後佢哋offer咗鐵板原隻帆立貝，煎香咗嘅帆立貝都好鮮甜，入面仲有少許半生質地，口感嫩滑！
當日嘅龍蝦同鮑魚都好新鮮🥰 師傅話所有海鮮都係新鮮劏嘅，口感同味道都會好啲～
龍蝦係每人有半隻，超級鮮甜🤩 配上用龍蝦膏調製嘅醬汁，超級惹味🤤 而且龍蝦肉都好大件！
鮑魚就配咗紫菜蠔汁，連個肝都有處理好，煎香一齊食～我哋都係第一次食埋，味道都唔腥喎！
美國牛柳就配咗黑松露醬汁同蒜片，都係好大路嘅做法～但煎得好香，加埋黑松露醬味道同香味都有昇華，牛味唔算濃，但肉質不錯，就算偏熟少少都依然軟嫩，唔會好難咬～
炒飯可以配和牛或櫻花蝦，但小朋友先做選擇，兩樣都要晒🤣 炒飯都炒得唔錯，粒粒分明，和牛炒飯加埋櫻花蝦嘅鹹香，雖然最後都飽飽地，但都全部食晒！
甜品有凍同熱嘅款式，當日就有焙茶奶凍同埋熱嘅南瓜紅豆湯。焙茶味同奶凍有啲分離，奶凍味道稍甜，如果焙茶味濃啲就好啦～
沙律、麵豉沙同漬物就普通～
整體成個餐都夠飽同幾滿足！
🌟推薦度：9/10
8 views
0 likes
0 comments
Post
