Video
Read full review
2008-07-16
16 views
單刀直入，本食評冇相，有時間就睇，冇時間就byebye！XD嗯，一個月沒寫評了。近年習慣開餐前影相，影相後會返屋企整理決定那一餐值唔值得我去寫…但今日朝早一早就撻cue~因為手快按錯快鍵而手提用了key lock！撞了一朝早密碼係撞唔中的，album開唔到電話打唔出，淨得三條9~勁失落！本來五月頭勁順路來見城食午餐，可惜當日的appointment一遲再遲…期間由朝早十點望錶再望錶，well~到正經事搞晒時原來都三點tea得啦！lunch？請自己哀悼它吧！昨日星期一慶幸又有點眷顧我，朝早十一點半搞晒正經事就有得lunch喇！自動來了見城…相同的二人叫返相同的午餐，佢叫佢的銀鱈魚，我叫我的自選壽司。銀鱈魚我們二人都覺得與上次失準了少少，沒這麼滑和「鞋」了少少…當然整條魚一定唔係難食，對於唔食熟魚的我來講依然都係鮮味的，只係因為之前食過見城整得更好的銀鱈魚就自然比較囉！至於我選的壽司set大約：海膽—一向喜歡食但冇得重複真有點失落！水準只有75分，當然與腥扯不上關係，只係質感太杰少了那份清甜，明顯與我上幾次食令我thumbs up的uni真係有得比較，同埋今日的紫菜有點失準，有一、兩件的壽
嗯，一個月沒寫評了。
近年習慣開餐前影相，影相後會返屋企整理決定那一餐值唔值得我去寫…但今日朝早一早就撻cue~因為手快按錯快鍵而手提用了key lock！撞了一朝早密碼係撞唔中的，album開唔到電話打唔出，淨得三條9~勁失落！
本來五月頭勁順路來見城食午餐，可惜當日的appointment一遲再遲…期間由朝早十點望錶再望錶，well~到正經事搞晒時原來都三點tea得啦！lunch？請自己哀悼它吧！
昨日星期一慶幸又有點眷顧我，朝早十一點半搞晒正經事就有得lunch喇！自動來了見城…
相同的二人叫返相同的午餐，佢叫佢的銀鱈魚，我叫我的自選壽司。
銀鱈魚我們二人都覺得與上次失準了少少，沒這麼滑和「鞋」了少少…當然整條魚一定唔係難食，對於唔食熟魚的我來講依然都係鮮味的，只係因為之前食過見城整得更好的銀鱈魚就自然比較囉！
至於我選的壽司set大約：
海膽—一向喜歡食但冇得重複真有點失落！水準只有75分，當然與腥扯不上關係，只係質感太杰少了那份清甜，明顯與我上幾次食令我thumbs up的uni真係有得比較，同埋今日的紫菜有點失準，有一、兩件的壽司紫菜雖然未至於稔，但明顯沾上濕氣…不要怪它吧！事實近兩月的天氣頗不濟，洗了的衣服不用乾衣機的話著上時很有黃梅天個feel~個紫菜就令我諗起用這感覺形容。一、兩件，我豪俾它吧！
魚類壽司我揀了吞拿魚大toro、baby toro、左口魚、目魚、海鰻、油甘魚、三文魚子。
當中深刻的有大toro、三文魚子，其餘的質素平均，正常冇問題！OK+++
三文魚子不會像坊間的三文魚子喪鹹，咬落去擠出鮮甜的魚油，果然很好feel！^3^
吞拿魚大toro頗大件和肥美，還很鮮味，是我這麼多件壽司中稱皇！因為同我一齊食飯那位都勁不屑我件toro的肉感。怎樣肉感？因為我同伴話：真睇唔順眼妳件toro~肉感得似男人xx...sorry~個賣相事實頗「不文」，其餘的請自行思考。(我會stop，不然會俾網站刪文)
整個餐我們一致認為茶碗蒸同甜品都好食！佢最鍾意食紅豆雪糕even我們都嘗過紅豆、綠茶和黑芝麻味，而我今次揀的lemon雪糕都好食，有一絲絲檸檬皮屑碎又甘又酸，唔似香味劑算偷笑耶！不然會有空氣清新噴霧個feel(掩咀偷笑)。
食後感：
十隻手指都有長短~既然午巿係晚巿的慰藉，冇個橙都仲有個桔丫嘛！所以經驗來講午巿固然會有參差的水準，即係一時優異得令人驚喜要錫佢一啖，就算所謂一時失準都唔係渣都冇剩仍保持到7至8成分數，食了咁多次當然以我咁既窮鬼又要扮靚又要為食就梗係午巿啦！雖然紫菜今日係有丁點瑕疵又唔至於係稔或像巿面迴轉咁一注菜der左…似係爭咁清脆口感掛！？
咁我諗又唔至於要偏愛此餐廳講返d人講既說話…事實抵鬧的餐廳我唔會留情面，憑著我的低調，講真話又何干呢！？因為我都冇擺自己相，讚過的餐廳又唔會話偏私因為g我上網寫得好就狂serve我因為人就係咁假~呵 XD
咁當然我唔會單憑甜品同茶碗蒸俾笑面，叫得食評點都要睇返主角台戲~就係因為舊肥toro值我俾個笑面…雖然我俾同伴笑左成個下晝！-_-
服務對我依然有禮，對於成日食嗰d客我仲睇到識叫さん添！
二人共$303
Post