見城日本料理 (Closed)

臨別秋波，好耐之前食過一次，見佢唔做，試多次啦，都幾多人等，今次印象，係失望的，睇得出佢地都好忙，但服務真的有點嚇人，完全茶餐廳服務，我經常到此類日本餐廳，大多數都優雅骨子的，日本菜嘛，但呢度真的很嚇人，短髮的那個不知是否較資深，成日大聲夾無準叫其他侍應，佢嘅招呼更好似打仗咁，有點粗魯，迴轉壽司都唔會咁，畢竟你二百幾元一個午餐，不是茶餐廳價錢，講返壽司飯，很酸，亦不夠煙韌，一夾即散，魚生是很新鮮的，日本師傅也只招呼熟客，所以來不來，意思都不大，這次沒有留下好好的感覺，若不是結束營業，我相信也不會再來，所以沒有可惜的感覺。出面比它好吃的，大有選擇。

一早訂咗枱1:15pm, 1:15pm到，舖前有四五個人。當我開棟門示意我到咗，有個待應放咗四個人入去。跟住佢話我訂咗嗰張枱會安排。本人都明白午市忙要安排位置須要時間。但等咗15分鐘問返個侍應安排成點。佢話未有人走。跟住我重申我訂咗枱1:15pm但係已經成1:30pm。佢大條道理話其他人都有訂枱所以未有座位。跟住我問咁如果訂位嘅時間畀唔到枱、咁點解要接受訂枱，佢態度甚差咁話唔通我hold住啲枱唔做生意呀？嗰刻我著咗。同一個冇concept 嘅人理論只會令自己受罪。訂枱嘅原意係喺指定時間攞到位用膳。咁簡單嘅概念都無，令人感到好失望。仲要係日本餐廳，一啲基本禮貌都冇。

一所比較老牌的日本料理，在香港云云食肆的競爭下仍然屹立不倒，當然有值得支持的價值，這些刺身和壽司分量都是一人前，飽腹程度絕對不用擔心。用的是上等食材，人口就不能騙喔在香港很多日式料理都會用上粒貝，鮮甜爽口，如果處理不當或是次級就很容易吃到腥味鹽燒白子，此白子並非出於鱈魚，口感比較紮實，相信初吃煮也能受落沙甸魚並非人人喜愛，因為此魚味偏濃，而且在香港有些師傅覺得功夫多，所以食材也少入汁煮喜之次，同行日本朋友喜愛食品之一，算是高級魚類，除了汁煮還可以燒，今晚由廚師推薦煮法

自從四月底赫德道建成日本料理結束營業之後，就心思思想回去見城的本店繼續我的見城歲月。值得一提的是，我第一次在見城日本料理吃飯是在1986，那時候店尖沙咀東部永安中心的商場，之後有跟隨他們的廚師去銅鑼灣百利保廣場，繼而去赫德道，在赫德道幫襯左13年至今。今天中午生意很好，所以就看到了真章，中午點了自選壽司定食加了一份火炙鯛壽司，壽司飯一粒粒，紫菜冧的，魚肉過度熟成，拌碟的薑片跟著水，服務員工更..............。相信短時間之內我也不會再回去了，畢竟現在的選擇太多了。

今日假期光顧一間喺棉登徑坐落很久的日本菜。今天是假日也有lunch set 提供。Order了 一個sushi set, 一個刺身set.壽司set 可自選八件壽司和六件小手捲.小手捲八件壽司池魚壽司海鰻壽司兩個Set 都有麵豉湯， 刺身 set 多一份茄子和白飯。還有蒸蛋甜品有檸檬雪葩和綠茶雪糕用料新鮮，師傅態度認真， 上菜飯，不愧多年來都客似雲來。

見城日本料理，我已吃了1x 年，她給我的除了是新鮮的食材之外，更是一種回家的味道，每次去到，就像見見老朋友，同一位日本師傅，同一位服務員，他/她們都不花巧，只會認真為你做出最新鮮好味的壽司。去日本的機會多了! 吃了很多在築地不同的壽司舖，不知怎的，我仍會惦念到見城的感覺，我仍滿心認為只要來到這壽司店，必定會吃到如築地一樣，新鮮簡單直接的壽司!香港亦有很多比這兒收費高，裝潢好的壽司，但太好裝潢反而少了最根本的味道。10次到來，我幾乎10次都點自選壽司定食。其餘平時常食到的貨色我不用形容，就特別推介每次我來到這裡必點，在香港任何高檔壽司店都吃不到的鮮味……圖中左起: Baby tuna， 鯖魚，沙甸魚和池魚，Baby tuna 我仍未在別的地方試過，它很重魚味，肉質細膩; 鯖魚，可以做得完全吾腥，只有鮮，除在日本，只有見城吃到; 池魚亦是我大愛，這裡質素與日本無異，魚肉嫩，魚味濃，見城有獨特醬汁，不用點豉油已格外鮮味，至於不同季節，見城均會推出時令魚如沙甸，左口，秋刀……所以一年四季都會到來嘗鮮。210元，一個有質素的定食，坐在sushi bar，看著師父認真預備食材，節奏像在築地吃的時候

之前一晚搞到凌晨2點，終於趕完一份重要的工作。今日筋疲力盡，決定忙裡偷閒，休息一下。自己一個人去了尖沙嘴見城食個 lunch。食見城已經好多年，自選壽司 lunch set 由印象中$170（或更平），一路食到依家$210。一有「忙裏偷閒」或自己「放半天假」的情況，總會來到見城。好多人話見城跌watt，唔知係咪有啲感情分，我又唔係好覺。依然點了自選壽司，依然也是大概那些選擇，依然差不多的好味。這裡的壽司，沒有新派的加鹽加醋，只是傳統簡單的海鮮魚肉、wasabi、飯；飯也不是新潮的紅醋飯。一件一件的順序送上，一般是造一件、清一件。今天還要不斷覆email，一轉眼full set 都上齊了。可能就是這樣傳統簡單直接的壽司，飯後一杯簡單咖啡，十年如一日的裝修，次次都見到的日籍師傅和女侍應⋯⋯ 不會有驚喜，不用花心機品嚐，亦不會失望。放鬆心情享受一頓單人午餐就好了。我相信我還會再來的。飯後繼續加油！

這裡是本人很喜歡的一間壽司店已經光顧了一段不短的時間嘗試過午餐和晚餐午餐套餐非常便宜但當然是單點的食物質素更高平常我比較喜歡晚上來吃而且會提前訂枱因為我比較喜歡坐壽司吧看着食物製作的過程胃口大開而且逐件整逐件吃這樣便可以隨着那一刻的心情而選吃下一件壽司每次點海膽壽司的紫菜都脆到不得了令美味推至更高峰這裏的食物新鮮性價比高壽司師傅和店員都非常親切細心除了壽司刺身和煮物天婦羅也做得出色漬物也特別好吃是一間會長久光顧很有人情味的餐廳

高級的價錢，不高級的品質，令人失望的午餐。先說環境，我和朋友二人去吃午餐，一坐下見到我們二人的濕抹手毛放在同一個架上已經有點驚嚇，節省成本也不是這樣不衞生吧！還有更驚嚇的，我被安排坐在洗手盤前的bar枱位置（為何洗手盤會安裝向著客人位而不是向牆壁？），吃到中段，師傅洗毛巾，我一直看著水花差點彈到我的食物上，我心想如果彈到，我會立刻結賑離開。接著點餐，食物品質尚可，但那杯玄米茶不香，連最後的雪糕甜品也是溶化了一半......這個是高級日式餐廳不能發生的吧！總之，餐廳不衞生，價錢不便宜。

見城日本料理の牡丹蝦三色魚生丼🍣很久沒有去見城好想念他們的魚生！雖然香港有很多日本餐廳，但對見城總是有一點點偏愛😌我的例牌就是圖中的三色魚生丼，另外加了兩隻北海道牧丹蝦(蝦頭記得叫師傅用來煮麵豉湯，包你一飲難忘😍😍)，色彩繽紛的賣相、超級新鮮的魚生加上日式壽司飯，每一啖都是幸福啊〜HAPPY SUNDAY!

同咗個當間餐廳係預用飯堂的朋友黎進餐，。估吾到中午時間，出邊都甘塞車，好彩趕得切最後一分鐘前到達。簡咗老店黎食，今日點都要試一試。好多人呀Lunch set 係一個自選壽司🍣餐，可以自由簡menu上的8種壽司，同埋一款卷物。一個簡單又吾會太飽的燉蛋，蒸得幾細滑成個set之中，我主動試咗個銀雪魚，煎得吾錯，香香甜甜，好滑的口感。是日店員推介，好大個帶子俾紫菜夾住咗，依個一定要即上即食，甘先試到佢的鮮味，同埋真係食得出帶子好新鮮，鮮甜個種。有我最鐘意的半肥瘦吞拿魚腩，海膽。一間間的吞拿魚賣相幾得意，口感又軟綿綿，好好入口，成碟黎講都好新鮮。開頭聽到冬瓜干卷以為吾好食啦，俾朋友再三強調試下之下，原來吾係想像中甘差，幾特別的味道，卷物中間咬落有種卜卜脆，又吾太脆的口感，帶有少甜少咸感。有隻好令的碟仔裝住個綠茶雪糕，成個感覺吾同哂，好睇又好食，又吾會太甜。

聽聞見城壽司十分美味、晚餐不便宜、午餐划算得多。放假前夕決定跟朋友一試。位於棉登徑盡頭、門口很低調、就像只有熟客才會找上那種。有多款定食選擇、壽司、刺身、天婦羅、燒物等。我們都點了8件壽司跟手卷set $210，可自由選擇喜愛的魚生片。半肥瘦吞拿魚腩好肥美、油脂豐腴。油甘魚帶油香；鰻魚燒得好香好juicy，不過海膽色澤暗淡、看來不太新鮮。叫了受歡迎的冬瓜卷、味道有點像酸蘿蔔、沒甚麼特別。茶碗蒸倒是很鮮甜、蒸蛋非常嫩滑。自家製的芝麻雪糕很香芝蔴味！見城向來有很多捧場客、但親身試過並沒有太大驚喜。朋友今次再來亦說質素下降了、壽司沒以前般有新鮮。

一段時間無黎，吃番刺身lunch。 等左15分就有位。食物係一貫見城的質素……刺身同蒸蛋都好食。只係一坐低，比對即棄筷子嚇親！見城淪落到用即棄木筷？好彩，on request, 可以換番。不過，感覺差，又唔環保。

如果lunch食日本菜, 必定選見城！每次必order自選壽司$210， 雖然比其他日本餐廳貴， 但真的吃過回不了頭！ 但晚餐價錢很貴，所以每次選擇食lunch , 價錢相對晚餐平宜， 我已經幫襯了十年，此餐廳仍然䇄立不倒，可想而知有一定既水準！lunch time 時段永遠多人排隊，記得要訂檯，必點：自選壽司 set lunch $210蒸蛋 (很滑)8件+1件卷物 (新鮮海鮮，海膽很鮮甜)麵豉湯 (比較鹹， 有點失望）雪糕 or 咖啡 (我點了紅豆雪糕，不過不失）

我只係嗌咗個三色丼飯， 不過都好飽， 開頭覺得有啲貴， 但食落先知物有所值， 服務極好， 由日本師傅整嘅菜式， 最後仲有甜品㖭， 叫佢幫我攞嘢都好親切， 面上總係帶住笑容， 沒有一絲抱怨， 真係未見過咁好嘅服務態度， 希望大家會鍾意啦！