Video
Read full review
2020-10-08
1976 views
是日又要清假，決定自己一個出黎行下Chill下，飲完杯啡就餓了。喺世貿中心附近見到呢間雲壽司，Lunch Omakase價錢合理間唔中豪一次😽《「翔」$380》Omakase有3個價錢，揀左最平一款，包10件壽司、1件手卷、麵豉湯。拖羅油潤豐腴，油脂分佈好似雪花，食到油脂的甘香。深海池魚肉質細膩，爽甜肥美，之前食過池魚的我，食完深海池魚真係返唔到轉頭。鯖魚壽司比較少食，背部刀紋好靚，肉質飽滿，口感實淨，有種幾特別的鮮味同清新香氣。赤貝係十款裡面最出色的一款，外表橙紅有光澤，肉質爽厚清脆，超級鮮甜🥺。去親呢啲壽司店，赤貝係我每次必點單品，大推！炙燒左口魚同樣出色，亦係我favourite item之一，火槍輕輕一燒，將啲油脂逼晒出黎😻油甘魚幾厚身，色澤靚，味道甘甜。三文魚籽食得多，估唔到今次試到生筋子。顏色鮮紅，滑口帶有黏性，個人覺得味道幾鮮味，一啲都唔腥；加上有先醃漬，所以咸香味幾重。北海道牡丹蝦賣相晶瑩剔透，口感黏稠，彈牙嫩滑，味道甘甜濃郁，餘味悠長。吞拿魚面頰肉則是第一次試，帶有少少筋位，呢款都有用火槍炙燒過，肉質幾彈牙。黎到最後一件梗係食海膽啦😝顏色金黃，非常飽滿，入口豐腴細滑好
《「翔」$380》
Omakase有3個價錢，揀左最平一款，包10件壽司、1件手卷、麵豉湯。
拖羅油潤豐腴，油脂分佈好似雪花，食到油脂的甘香。
深海池魚肉質細膩，爽甜肥美，之前食過池魚的我，食完深海池魚真係返唔到轉頭。
鯖魚壽司比較少食，背部刀紋好靚，肉質飽滿，口感實淨，有種幾特別的鮮味同清新香氣。
赤貝係十款裡面最出色的一款，外表橙紅有光澤，肉質爽厚清脆，超級鮮甜🥺。去親呢啲壽司店，赤貝係我每次必點單品，大推！
炙燒左口魚同樣出色，亦係我favourite item之一，火槍輕輕一燒，將啲油脂逼晒出黎😻
油甘魚幾厚身，色澤靚，味道甘甜。
三文魚籽食得多，估唔到今次試到生筋子。顏色鮮紅，滑口帶有黏性，個人覺得味道幾鮮味，一啲都唔腥；加上有先醃漬，所以咸香味幾重。
北海道牡丹蝦賣相晶瑩剔透，口感黏稠，彈牙嫩滑，味道甘甜濃郁，餘味悠長。
吞拿魚面頰肉則是第一次試，帶有少少筋位，呢款都有用火槍炙燒過，肉質幾彈牙。
黎到最後一件梗係食海膽啦😝顏色金黃，非常飽滿，入口豐腴細滑好Creamy，味道濃厚甘甜，食完會好膩但真係好滿足😍
蔥花吞拿魚腩手卷，紫菜脆口，米飯煙韌，值得一讚吞拿魚腩平均分佈，所以每啖都食到toro同wasabi，微酸的壽司醋亦令我越食越開胃，唔會感覺淨係食緊飯。
Post
