Video
Read full review
2022-07-16
306 views
The Butterfly Room (尖沙咀)終於有幸嚟到呢間超人氣超難book嘅”The butterfly room”afternoon tea. 佢哋每日有三場afternoon tea時段可以book，每段時間兩個鐘，佢嘅地方其實唔算大，不過都坐得好寬敞，唔會聽到其他枱嘅傾偈，佢哋全場得三個人serve，所以見佢哋都非常忙碌，但係服務仍然好好，唔使你叫會不停嚟幫你加熱水佢有好多種類嘅茶可以選擇，我當然試咗佢哋嘅signature The butterfly room blend- 好香嘅花味，飲落去有少少帶酸嘅果味，十分推存French Earl Grey- 會有奶連上食物方面，1. 首先有四款唔同嘅三文治- 之前好多人都話三文治嘅麵包偏硬，佢哋真係有聽意見，改良咗好多，當日嘅麵包非常鬆軟好味，當中個人最鍾意黑松露碎👍🏻2. 跟住會有一個迷你嘅蕃茄湯- 細細杯上，好cute，湯面上有芝士打出嘅泡沫，令湯飲上上更香3. 跟住就係有四款甜品嘅甜品stand👆🏻呢啲都係每人一份，冇得refill👇🏻可以無限refill 嘅有1. Scone- 有原味同提子味，佢嘅scone算係咁多
終於有幸嚟到呢間超人氣超難book嘅”The butterfly room”afternoon tea.
佢哋每日有三場afternoon tea時段可以book，每段時間兩個鐘，佢嘅地方其實唔算大，不過都坐得好寬敞，唔會聽到其他枱嘅傾偈，佢哋全場得三個人serve，所以見佢哋都非常忙碌，但係服務仍然好好，唔使你叫會不停嚟幫你加熱水
佢有好多種類嘅茶可以選擇，我當然試咗佢哋嘅signature
The butterfly room blend
- 好香嘅花味，飲落去有少少帶酸嘅果味，十分推存
French Earl Grey
- 會有奶連上
食物方面，
1. 首先有四款唔同嘅三文治
- 之前好多人都話三文治嘅麵包偏硬，佢哋真係有聽意見，改良咗好多，當日嘅麵包非常鬆軟好味，當中個人最鍾意黑松露碎👍🏻
2. 跟住會有一個迷你嘅蕃茄湯
- 細細杯上，好cute，湯面上有芝士打出嘅泡沫，令湯飲上上更香
3. 跟住就係有四款甜品嘅甜品stand
👆🏻呢啲都係每人一份，冇得refill
👇🏻可以無限refill 嘅有
1. Scone
- 有原味同提子味，佢嘅scone算係咁多嘢裏面頗為出色嘅，而個人覺得佢嘅自家製金橘橙醬最特別最好味，
2. Pastry Trolley 同Confectionery Trolley
- 每架車上面都有六種蛋糕，朱古力或者甜品選擇，一定要試當然係佢哋嘅拿破崙Mille Feuille，其餘嘅甜品，講真個句真係覺得冇乜特別
當日我哋三個人，甜品車上每樣叫咗一件三個人分，因為想每樣都可以試吓，但係都冇辦法食得晒，所以相信唔會有好多人可以refill咁食好多😂
總括嚟講，我哋三個人都覺得試咗就算，一定唔會返兜，因為我哋都覺得佢哋最出色嘅係佢哋嘅茶同拿破崙，其餘甜品真係頗為普通，如果為咗食拿破崙，買外賣就得，冇需要咁辛苦book位去食😅
Post
