Gram Cafe & Pancakes (Closed)

Gram 既招牌pancake咁出名，而且每日限量發售，所以就算佢喺公司樓下，我一直都未有機會品嚐，淨係幾個月前去過食set lunch，不過一日未食到我都未滿足！今日難得早放工，就正正六點去碰下運氣。竟然可以唔使排隊舒舒服服咁入去坐低，成功叫到招牌疏乎厘pancake啦！唔使一陣就已經送到我面前，三層厚厚的pancake，等我逐層KO佢！質地唔會太濕，軟得來又帶點彈性實淨，好香蛋味，而且嗰舊忌廉十分細滑，加上少少楓糖好味呀！終於完成心願大滿足呀！夜晚似乎只有甜品提供，但環境好舒服，如果食完晚餐嚟坐吓傾計都好唔錯。