Video
Read full review
2018-03-03
67 views
就黎去旅行，諗住要唱定D錢，黎到中環唱完錢，順便叫埋係附近返工既朋友落老蘭。之前見到去完日本既朋友出哂post講到吉烈牛有幾咁好味，搞到我都好想去試下。上次經過蘭桂芳見到呢間Steak Bar有得食吉烈牛，即刻好心動！正所謂心動不如行動，所以今次個目的地就係Steak Bar~約咗六點半，黎到門口都已經見到有D人係門口等緊，睇黎真係幾出名喎！餐廳入面沿用高枱高凳，可以見到師傅係到預備食物中。我地入去坐低之後，因為七點半就要交枱，所以即刻落單。唔駛諗一定係點set D吉列炸牛扒。套餐包前菜、沙律同埋飯。前菜有白滑豆腐，清清地，開個胃先。沙律就有新鮮蔬菜、車厘茄伴著柚子汁，食落清新，為吉烈牛展開序幕！一塊被炸至金黃既牛扒，切成件，先放係鐵網上。爐上面有少許牛油，下面有火熱住，因為擺得太近，朋友覺得有D熱，所以要拎遠少少先可以慢慢燒D吉列牛。夾起一件睇睇，就發現牛扒只係表面炸至金黃，裏面仍然係嫩紅色，等待被放係爐上面燒。當煎到表面轉色，就夾起一舊試試。食過就知點解吉列牛咁好味！牛扒經過係爐上面煎一陣之後，表面變得香脆之餘，仲可以將肉汁鎖係入面，再配合外面唔會太厚既吉列皮，無論係口感定係味道都
上次經過蘭桂芳見到呢間Steak Bar有得食吉烈牛，即刻好心動！
正所謂心動不如行動，所以今次個目的地就係Steak Bar~
約咗六點半，黎到門口都已經見到有D人係門口等緊，睇黎真係幾出名喎！
餐廳入面沿用高枱高凳，可以見到師傅係到預備食物中。
我地入去坐低之後，因為七點半就要交枱，所以即刻落單。
唔駛諗一定係點set D吉列炸牛扒。套餐包前菜、沙律同埋飯。
前菜有白滑豆腐，清清地，開個胃先。
沙律就有新鮮蔬菜、車厘茄伴著柚子汁，食落清新，為吉烈牛展開序幕！
一塊被炸至金黃既牛扒，切成件，先放係鐵網上。
爐上面有少許牛油，下面有火熱住，因為擺得太近，朋友覺得有D熱，所以要拎遠少少先可以慢慢燒D吉列牛。
夾起一件睇睇，就發現牛扒只係表面炸至金黃，裏面仍然係嫩紅色，等待被放係爐上面燒。
當煎到表面轉色，就夾起一舊試試。
食過就知點解吉列牛咁好味！牛扒經過係爐上面煎一陣之後，表面變得香脆之餘，仲可以將肉汁鎖係入面，再配合外面唔會太厚既吉列皮，無論係口感定係味道都係一流！
set B 安格斯西冷牛扒
$248
3 views
0 likes
0 comments
size都唔細，而且仲好厚身tim~
表面煎香，切開內裏仲係粉紅。食落就知生熟程度啱啱好，慢慢咀嚼，口腔立時充滿肉汁，好香牛味，而且香口得黎唔韌，果然冇介紹錯！
因為個主食太好味，平時唔鍾意食飯既我都食咗成碗飯！
飲品方面就叫咗熱柚子檸檬同埋Ginger Lemon。兩杯望落都幾似，但係各有優點。飲落唔甜，感覺健康！
set D 吉列炸牛扒
$188
3 views
0 likes
0 comments
地埋位置方便之餘，仲要食物質素極佳，尤其係吉列牛，除咗食，仲可以自己落手燒，係絕對值得encore！
MENU
Post
