晴舍 (Closed)

考完試同啲同學食餐好！上openrice見到呢間新餐廳， 望到餐廳嘅外型，吸引到我哋去試一試。餐廳環境比預期中差，望到個外型會諗住裏面嘅環境都會好好，但同普通茶餐廳冇分別！兩個人嗌左雞扒定食同埋廣島蠔定食。 兩碟飯好快就上枱，飯偏濕， 雞扒可以但唔突出。 炸蠔就冇咩味道。 而兩碟飯都跟一碟類似特製醬汁，但個人認為個味道麻麻地。跟餐有兩杯嘢飲，嘢飲OK，如果可以大杯啲就更好！人均消費百幾蚊，整體來講一個lunch嘅價錢過$100 ，就會要求有返少少質素！但係呢間餐廳性價比唔突出，要考慮吓俾唔俾多次機會呢間餐廳！