小王牛肉麵 (Closed)

星期五晚，約咗屯門之友食飯，見VCity開咗間小王，就去試吓佢個牛肉麵湯底。我叫咗牛三寶麵，朋友叫咗擔仔麵，加多個鹽酥雞同肉鬆皮蛋豆腐。餐單冇寫咩係牛三寶，唯有睇英文名，原來係牛𦟌，牛肚同牛根。湯底同喺台灣食嘅正宗牛肉麵比唔夠牛味，三寶就較腍，應該炆煮咗好耐。食到一半因爲太咸放棄咗！朋友嘅擔仔麵其實即係滷肉加麵，表面睇以為冇湯，食食下發現有少少湯喺底，味道尚可但份量就太少。鹽酥雞應該係最合符期望嘅小食，炸得唔油，亦夠脆。肉鬆皮蛋豆腐係最心灰嘅小食，因為。。。皮蛋唔係開邊上，係碎上！點解？仲要勁碎，食唔到有皮蛋味！咁樣食咗差不多二百蚊，未計態度麻麻嘅侍應，真係失望到爆！