香宮

Open Now

Now Closed

今晚試咗香宮嘅香港餐廳周晚市套餐，食物好一般，鮑魚切咗陣都切唔到，最後我成隻塞落口。個湯雖然香，但偏鹹，其實冇邊一道菜吸引到我，今晚嘅餐單如下：1. 花鵰醉鴨舌、黃金皮蛋伴酸薑、蘋果木煙燻法國鱔2. 姬松茸海螺燉豬腱3. 豉汁蒸南非鮑魚4. 碧綠天白菇燜鵝掌5. 龍蝦🦞湯海鮮脆米泡飯6. 楊枝甘露如果真係要揀，我覺得花鵰醉鴨舌最好味，夠淋，起曬骨，食時好方便，有淡淡花鵰味。最後餐廳附上中式糕點，雖然打卡唔錯，但唔見得好出色，每位要$718，呢個價位其實可以有更好選擇。不過環境同服務唔錯，想靜靜地傾計係唔錯嘅！