麵包新語 & 土司工坊 (Closed)

一直都想幫襯，既然今日行過，肚子又裝得落，就走入去試一次...次次行過都係排長龍，今日一樣唔例外，但喺排長龍期間，一啲都唔會悶，因為有即場表演睇---拉茶表演，睇住果個人將咖啡、紅茶喺呢個壼倒落另一個壼，好似拉絲帶咁，愈拉愈長，手勢利落，一個字形容哂.："勁"...唔知佢一日到黑要整幾多杯呢？真係辛苦哂...我order咗一客肉鬆土司&兩隻煎蛋，盛惠$19...土司嚟到，有啲奇怪嘅感覺，點解好似冇咁忽嘅？同網友post出嚟嘅靚樣有啲出入喎，一時失手？嗯...算啦，都係味道最緊要...肉鬆好鬆，又夠甘香，土司係脆口嘅，配埋煉奶(冇三聚氰胺呱...)都幾好食...但可能俾一眾網友讚得太緊要啦，令我期望過高，所以食落會有啲"不外如是"嘅感覺...煎蛋嘛，即叫即整，實在唔明點解唔夠熱，我自己煎仲正...下次可以慳返...嗯...有冇下次呢？相信要睇心情啦...