一虎

Open Now

Now Closed

以前經過一虎一直都有好多人排隊，之前食過一次檸檬拉麵好好食，今次有時間我都排下試吓佢哋期間限定柚子拉麵，原來真係幾好食。 拉麵師傅好好人，見佢哋好似好有熱誠咁，感染到我都好期待試吓佢哋嘅拉麵！ - 一虎特選拉麵 呢個拉麵個豬骨湯好濃，雖然好濃但係唔會覺得油或者滯，個湯好有味好香，同埋食落去好順，感覺冇落味精同埋煲到好入味。而且碗麵好足料，食到好飽。個麵係揀幼麵同適中硬度，煮得啱啱好，冇出面有啲其他拉麵/雲吞麵店啲麵咁有時太淋或者太硬。 - 期間限定拉麵 - 柚子拉麵 個湯好清新，食落去同檸檬拉麵有啲唔同，柚子味感覺上冇檸檬咁酸，一食停唔到口，食完個麵之後追加左個白飯加落去食，好似湯飯咁，真係好好食，最後食完已經連埋啲湯飲曬。絕對推介大家嚟試吓呢個期間限定拉麵！