Video
Read full review
2017-10-29
956 views
自從天氣轉涼左之後，木嘴就好似d大肚婆成日想食酸野咁一直心思思想食辣野。今次既然去開屯門，就決定去食有D知名度嘅既橋底雞煲。夜晚7點左右去到，咁岩唔使洗等就有位，見之後黎嘅人都要等一陣先有位。有留意我之前既食評既人應該都會發現，我每次去餐廳都唔知點解唔洗等位，呢樣野木嘴真係解釋唔到，如果閣下去既時候要等位只能夠慨歎自己唔係木嘴，哈哈。一坐底侍應姐姐就好快過黎同我地落左隻雞先，除左問要半隻/一隻同幾辣，仲問個煲要唔要加鴨舌，木嘴我見識少，雞煲加鴨舌真係第一次聽，由於唔想同隻鴨打車輪，所以就話唔使加喇。雞要左半隻，中辣，個姐姐一開始阻止我叫中辣，話個辣會辣過出面，食唔到辣既話叫返小辣會好D喎。木嘴身為一個小學雞係唔會容忍俾人睇死既，區區中辣木嘴又點會驚呢？食落，個汁都幾惹味，辣中帶點甜，辣得好香口好正，中辣完全係輕鬆KO。不過為左令大家有個參考，其實木嘴對面果位好快已經食到變孖潤腸，所以大家唔好睇完我講就以為D辣唔勁，到時閣下變孖潤腸千祈唔好搵我算帳。而D雞都幾嫰滑，不過份量就唔算多囉，感覺係第二度食半隻好似多D咁。食完D雞就叫左少少配料，有墨魚滑、韮菜餃、芝士丸、同紅薯粉。除左紅薯粉，以
一坐底侍應姐姐就好快過黎同我地落左隻雞先，除左問要半隻/一隻同幾辣，仲問個煲要唔要加鴨舌，木嘴我見識少，雞煲加鴨舌真係第一次聽，由於唔想同隻鴨打車輪，所以就話唔使加喇。
雞要左半隻，中辣，個姐姐一開始阻止我叫中辣，話個辣會辣過出面，食唔到辣既話叫返小辣會好D喎。木嘴身為一個小學雞係唔會容忍俾人睇死既，區區中辣木嘴又點會驚呢？食落，個汁都幾惹味，辣中帶點甜，辣得好香口好正，中辣完全係輕鬆KO。不過為左令大家有個參考，其實木嘴對面果位好快已經食到變孖潤腸，所以大家唔好睇完我講就以為D辣唔勁，到時閣下變孖潤腸千祈唔好搵我算帳。而D雞都幾嫰滑，不過份量就唔算多囉，感覺係第二度食半隻好似多D咁。
食完D雞就叫左少少配料，有墨魚滑、韮菜餃、芝士丸、同紅薯粉。
除左紅薯粉，以上份量都係半份，每樣4粒。味道正正常常啦呢D野如果都難食既間野都應該係黑心食店黎嫁喇。
最後我地都算食左幾耐，但都無比人趕走，呢點好重要。因為木嘴曾經去過一間餐廳食到條串燒一半個口仲擘大緊就俾人趕走，不過呢個經歷有機會先再同大家分享啦。
Post
