Video
Read full review
2013-10-14
4700 views
星期六難得偷得浮生半日閒，專程渣車入黎幫襯。Set Lunch價錢非常之合理，weekend一個lunch都係一百蚊左右，非常reasonable，只可惜食物既質素同價錢所反映既預期有落差。Soup of the Day係Fix死既，絕對唔係紅湯白湯果個level，只可惜是日既「green pea soup」味道略為淡口，唔好話cream，就連除左少少pea既味道之外乜野味都飲唔出，只見零散既幾枱客都要不斷落胡椒粉去調味！香煎鱸魚配他力干香草忌廉汁︰鱸魚煎得一般般，絕對唔係金黃色果種脆bok bok既感覺，不過口感都可以叫做勉強接受。個sauce算係比較特別，真係食得出香草同忌廉既感覺，至於其他配菜好似薯菜咁都係D大路野，不值一提。燒豬仔骨配茨角沙律︰Again，沙律同茨角都係D大路集體bulk purchase野，一D都唔特別。至於燒豬仔骨更加可以叫做失敗。雖然ribs既表面都算juicy，但係唔知係咪調味既時間唔夠所以肉裏面唔係好入味，而且rib與rib之間好難切開，同一般ribs幾乎用手都撕得開既感覺差好遠！燒雞扒配沙爹汁︰坦白講，完全食唔出雞扒「燒」既感覺，嚴格上只係可以叫做「
Soup of the Day係Fix死既，絕對唔係紅湯白湯果個level，只可惜是日既「green pea soup」味道略為淡口，唔好話cream，就連除左少少pea既味道之外乜野味都飲唔出，只見零散既幾枱客都要不斷落胡椒粉去調味！
香煎鱸魚配他力干香草忌廉汁︰鱸魚煎得一般般，絕對唔係金黃色果種脆bok bok既感覺，不過口感都可以叫做勉強接受。個sauce算係比較特別，真係食得出香草同忌廉既感覺，至於其他配菜好似薯菜咁都係D大路野，不值一提。
燒豬仔骨配茨角沙律︰Again，沙律同茨角都係D大路集體bulk purchase野，一D都唔特別。至於燒豬仔骨更加可以叫做失敗。雖然ribs既表面都算juicy，但係唔知係咪調味既時間唔夠所以肉裏面唔係好入味，而且rib與rib之間好難切開，同一般ribs幾乎用手都撕得開既感覺差好遠！
燒雞扒配沙爹汁︰坦白講，完全食唔出雞扒「燒」既感覺，嚴格上只係可以叫做「小學雞」都識既煎雞扒既水平，絕無難度可言。雞扒應該完全無調味過，所以喺上面淋左個沙爹汁去掩飾，再加埋伴碟既意粉，真係同街口間茶餐廳食既野一模一樣，重衰過翠華同太興果D集團式製作！
香蒜牛柳粒扁意大利麵︰個蕃茄汁做得唔錯，而麵既軟硬程度亦都適中，唔會有過硬或者過腍既情況出現。但係我搵晒成碟野先至locate到得幾粒既牛柳粒，照計D料都唔係貴成咁唧，唔駛咁呀嗎？Other than that overall算唔錯，portion又比想像中大，算係是日最「正常」既菜式喇！
我冇俾「喊」佢既原因主要係服務方面。侍應對老人家都尚算細心，叫佢俾刀叉同碟share野食都快快手手，唔會黑面或者十問九唔應。不過如果佢地再唔諗辦法喺食物方面改善，真係好難叫人專登山長水遠入黎食你果D overpriced但質素只係中下既食物！
Post
