廿一由八

Open Now

Now Closed

上網見到呢間餐廳環境都好靚，同埋個環境充滿木材勁chill，想去左好耐。餐前麵包，洋蔥湯呢度嘅麵包好好味煙煙韌韌咁，有兩款唔同口感嘅包配埋佢個牛油食到停唔到口。洋蔥湯煲得勁濃味勁好飲Barbie with Gin呢杯好清新好容易入口，甜甜地好適合餐前飲Chocolate Rumic酒香味好重，每一啖都飲到好香嘅可可粉，打卡一流烤粟米條個粟米烤得啱啱好係其中一樣必食嘅小食，配埋佢個醬汁食落唔會好乾身法式紙包柑橘三文魚配托斯卡納五香法式多士及烤時蔬三文魚好有驚喜，配埋柑橘一齊食勁正，開頭都有啲擔心果皮會唔會有啲苦澀味，估唔到咬落去嗰下成嚿都好甜。好好味，可以中和到三文魚陣油脂，另外每一樣蔬菜都好好味。上網見到個個都會叫多士嚟食，佢呢間嘅多士真係必試，口感好特別係我之前未試過嘅口感，配埋佢嘅調味真係食到停唔到口。250克美國肉眼扒配烤時蔬及壓薯牛肉份量好充足燒得啱啱好，餐廳好貼心已經將牛肉切好咗，個薯仔好味道癲咗食完都唔夠喉。檸檬芝士蛋糕最後食埋佢必點嘅法式多士，揀咗檸檬芝士蛋糕，上面類似奶蓋嘅質感我勁鍾意，配埋個多士真係超級正，食完真係超級飽。